Joe Biden da AEBetako lehendakari berria, bozketan Donald Trumpi gaina hartuta
Joe Biden, Alderdi Demokratikoko hautagaia, izango da Amerikako Estatu Batuetako 46. lehendakaria, hauteskunde estu batzuetan gaina hartuta Donald Trump orain arte lehendakari zenari. Bidenen garaipenean erabakigarria izan da Pennsylvaniako ordezkaritza, lehendakaria hautatzeko 20 boto ematen dizkiona, bereganatu izana; baina horiez gain Nevadan jokoan zeuden seiak ere bereganatu ditu. Horiek zenbatuta, AEBko lehendakaritza lortzeko behar diren 270 boto-ordezkariak aise gainditzea lortu du, 290 eskuratuta; Donald Trump 214tan geratu da. Joe Bidenek 74.857.880 boto bildu ditu, Donald Trumpek 70.598.535.
Pennsylvaniako 20 botoak bereak zituela berretsi bezain fite mintzatu da Joe Biden Alderdi Demokratako hautagaia eta garaipen deklarazioa egin du: "Ohoratzen eta apalarazten nau jakiteak AEBetako jendeak niri eta Harris lehendakariorde hautatuari eman digutela konfiantza. Aurrekaririk gabeko oztopoei aurre eginez, inoiz baino iparramerikar gehiagok eman du botoa. Horrela frogatu dute demokrazia taupaka dagoela AEBen bihotzean. (...) Kanpaina bukatu da eta orain da garaia atzean uzteko haserreak eta erretolika garratzak, eta nazio gisa elkartzeko. AEBei heldu zaie ordua elkartzeko eta zauriak sendatzeko. Amerikako Estatu Batuak gara gu eta ez dago guk egin ezin dugun ezer, elkarrekin egiten badugu".
Minutu gutxi lehenago Donald Trumpek enegarrenez ohartarazia zuen ez duela Bidenen garaipenik onartuko: "Denok dakigu zergatik dabilen halako presaz Joe Biden bere burua irabazle agertu nahian eta zergatik ari diren hedabideetako bere lagun guztiak saiatzen hari laguntzen: ez dute nahi egia azaldu dadin. Baina errealitatea da hauteskundeok ez direla amaitu. (...) Astelehenetik aurrera ekingo diogu kasua auzitegietara eramateari, ziurtatzeko hautes-arauak osorik betetzen direla eta izendatzen dela benetan garaile dena".
Tartean, laster kargua utzi beharko duen lehendakariak segitzen zuen sare sozialetatik bere burua garaile izendatzen. Twitter berak ohartxo bat gaineratu dio –munduko beste edozein erabiltzaileri ezabatu egingo zion baina AEBetako lehendakariari ezin dio horrelakorik egin– irakurleei iradokiz gezurretan ari dela:
I WON THIS ELECTION, BY A LOT!
— Donald J. Trump (@realDonaldTrump) November 7, 2020
Kazetariek, dena dela, lehenagotik kontatuak zituzten Bidenen garaipena aurreikusteko zantzuak. AEBetako zerbitzu sekretuak bereziki zorroztuak zituzten Bidenen etxebizitza, egoitza eta gainerakoak. Eta Trumpen duela lau urteko garaipenean eta ondorengo agintealdian funtsezkoak izan diren Fox bezalako hedabide erraldoietako kazetariak ere hasiak ziren beren jarraitzaileei aurreratzen Bidenek irabazteko zeuzkan aukerak.
Pennsylvaniako emaitzak jakin bezain fite aldatu dituzte Twitterreko beren profilak bai Joe Bidenek eta bai Kamala Harrisek, beren buruak izendatuz lehendakari hautatu eta lehendakariorde hautatu:
Joe Biden and Kamala Harris have both updated their Twitter bios to reflect their newest titles: president-elect and vice president-elect. pic.twitter.com/neraVh2iAd
— Joan Greve (@joanegreve) November 7, 2020
Kamala Harris izango da AEBek eduki duten lehenbiziko lehendakariorde emakumezkoa.
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Historia garaikideko basakeriarik handienetakoak dira Hiroshimaren eta Nagasakiren bonbardaketak. 1945eko abuztuan, hiru eguneko epean, bi bonba atomiko jaurti zituzten lehen aldiz historian eta bi hiritako biztanleak modu indiskriminatuan hil zituzten. 1945aren amaierarako,... [+]
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Etxe Zuriko maizterrak larunbatean iragarri zuen EB Europako Batasunaren esportazioei %30eko muga zergak ezarriko dizkiela abuztuaren 1etik aurrera, biak merkataritza akordio batera ez iritsiz gero. Horren aurrean, AEBei muga zergak igotzeko prest dagoela adierazi du EBk... [+]
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Errealitatea da dirua ez dela nahikoa ontziolak nahieran sortu eta itsasontziak nahi ahala egiteko. Kokapenak, azpiegiturak, laneskua, lehengaiak, talentua, eskarmentua… gauza asko behar dira, diruaz gain. Ontziolak erauztea oso “erraza” izan zen AEBentzat;... [+]
Hamasek jakinarazi du Palestinako erresistentziako beste taldeekin hitz egin duela AEBek, Egiptok eta Qatarrek proposaturiko meniaz, eta "pozik" hartu dutela. 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar askatzea,... [+]
BRICS+ taldeak hamazazpigarren gailurra egin berri du Rio de Janeiron, eta herrialde parte hartzaileek oharra argitaratu dute Trumpen muga zergak eta Iranen aurka eginiko erasoak gaitzetsiz. Erantzun gisa, AEBetako presidenteak mehatxu egin die "Amerikaren aurkako... [+]
Hagan ekainaren 25ean NATOk egindako goi-bileran, gastu militarra herrialde bakoitzaren BPGaren %5 izateko konpromisoa hartu dute Aliantza Atlantikoko Itunaren Erakundeko kide diren estatuek. Horretarako hamar urteko epea izango dute, 2035 arte. Erabaki horrekin, 2014an... [+]
Duela astebete Hagan egindako NATOren goi bilera historia handian gogoratu beharko da –batez ere egitasmoa egikaritzen bada– “BPGaren ehuneko 5aren bilkura” izan delako.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Asteazkenean bozkatuko dute NATOra bideratutako diru kopurua, eta Pedro Sánchez Espainiako presidenteak kuoten igoeran lortutako salbuespenak haserrea piztu du AEBetako eta Europako zenbait herrialdetako gobernuetan.