AEBn euskararen irakaskuntza bultzatzeko akordioa sinatu dute Etxepare Euskal Institutuak eta NABOk
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak euskal diasporarekiko konpromisoa berretsi du.
aurre egingo dieten hedabide independenteak
Bost urtean behin AEBetako Idahoko estatuaren hiriburuan, Boisen, ospatzen da euskal kulturaren ekitaldi handia, Jaialdi izenekoa. Dantza emanaldiak, herri kirolak, bertso saioak eta plater eta edari tradizionalak eskaintzen dira, beste askoren artean. Jaialdia igandean amaitu da, baina bertara egindako bidai instituzionala dela medio akordio bat sinatu dute Etxepare Euskal Institutuak eta NABOk (North American Basque Organizations) –Ipar Amerikako Euskal Elkarteak–.
Akordioa Etxepare Euskal Institutuak prentsa ohar batean iragarri du, eta Euskara Munduan programaren baitan kokatzen dute; programa horren helburua "euskararen ezagutza mundu osoko euskal komunitateetan hedatzea eta belaunaldi berriei transmititzea" da. NABOrekin sinatu duten akordioak helburu bikoitza du. Batetik, Argentinako eredua eraman nahi dute AEBetara: "Euskal komunitateetako kideek euskara ikasten duten eta dagozkien Euskal Etxeetan irakasle izateko trebatzea" lortu nahi dute. Bestetik, euskara ikasi soilik ez, formakuntza didaktikoa ere jasotzen dute kideek, eta horrela, Euskal Etxeek modu autonomoan jarduteko aukera daukate, Euskal Herritik bertaratutako irakasleen beharrik gabe.
Helburu horiek egikaritzeko Etxepare Euskal Institutuak, babes instituzional eta pedagogikoa indartuko duela adierazi du. Euskara ikastaroetara bideratzen duen finantzazioa handituko du, eta tokiko irakasleen formakuntza sustatuko du "kalitatezko irakaskuntza bermatzeko". Hitzarmena Imanol Pradales lehendakariak berretsi du, eta "konpromiso pedagogikoa baino askoz gehiago" dela dio: "Hizkuntza gure nortasun ezaugarri nagusietako bat da, eta diasporan bizirik mantentzea gure komunitate globala indartzea da".
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
Argentinarra da, baina sustraiek errotzen dute. Euskararekin maiteminduta dago, 25 urterekin ikasten hasi zenetik. Arbasoetako batzuk Euskal Herrikoak zituen, Soraluzekoak eta Azagrakoak, eta bizpahiru urterekin hasi zen Arrecifeseko Euskal Etxera joaten; arbasoa sortzaileetako... [+]
Pilotari famatua izan zen, munduko txapelduna, baina tartean behin baizik ez zuen Euskal Herrian jokatu, Mexikon jaio, hazi eta hantxe bizi baitzen, gurasoak haraxe joanda 1936ko gerratik ihesi. Abertzalea, Mexikoko euskal etxeko presidentea, Jaurlaritzaren aholkularia,... [+]
Euskal kulturaren transmisioarekin jarraitzeko, eta euskal nortasunaz hausnartzeko Argentinako nafar etxeetara bidaiatu dute Ortzadar Euskal Folklore Elkarteko kideek, eta bizitakoa Nafar Haziak dokumentalean jaso dute. Bertan izan da Izaskun Barber de Carlos (Iruñea,... [+]
Udatiarrak alde eginik da Ea. Bakean. Halaxe gustatzen zaio Steve Mendibe Aroztegiri, euskaraz bizi den herria, udakoek dakarten gaztelania arrotza gabe. Kalifornian jaioa, Boisen bizi, amerikarra bezainbat da euskalduna. Bi nazionalitateak ditu, bi erroldak... bihotz bat.
Euskal jatorriko 37 gazte estatubatuar Euskal Herria ezagutzen eta euskara ikasten aritu dira uda hastapenean.
San Frantziskoko Euskal Etxeak 40 urte bete ditu asteburu huntan.
Brasildik jaso dut posta bat. Estebe Ormazabal Insausti beasaindarraren hitzak dira jaso ditugunak; ARGIAko harpideduna bera. Ez da txoko honetara ekarri dugun atzerrian bizi den lehen laguna. Pixkanaka ari gara biltzen Euskal Herritik kanpora dugun komunitatearen iritziak,... [+]
