BRICS+ taldeak Trumpen muga zergak gaitzetsi ditu, eta honek %10 igotzea mehatxu egin die
BRICS+ taldeak hamazazpigarren gailurra egin berri du Rio de Janeiron, eta herrialde parte hartzaileek oharra argitaratu dute Trumpen muga zergak eta Iranen aurka eginiko erasoak gaitzetsiz. Erantzun gisa, AEBetako presidenteak mehatxu egin die "Amerikaren aurkako politikekin" bat egiten dutenei arantzelak %10 igoko dizkiela. Lula da Silva Brasilgo presidenteak NATOk bere kideei defentsarako aurrekontua %5 igotzeko aginduaren aurka egin du: "Errazagoa da gerran inbertitzea bakean baino".
Donald Trump AEBetako presidenteak apirilean ezarritako muga-zergek azken asteetan oihartzuna galdu badute ere, zeresana ematen jarraitzen dute nazioarteko harremanetan: BRICS+ taldeak asteburuan Rio de Janeiron egin duen gailurreko gai nagusienetako bat izan da, Israelek eta AEBek Iranen aurka eginiko erasoekin eta defentsa aurrekontuak BPGaren %5 izateko NATOren aginduarekin batera. BRICS+ Brasilek, Errusia, Txinak eta Indiak sortu zuten 2009an, eta geroztik herrialde ugari batu zaizkie: 2024. urtean Iran, Egipto, Saudi Arabia, Indonesia, Etiopia eta Arabiar Emirerri Batuak. Taldearen bazkide dira, besteak beste, Aljeria, Kuba, Turkia eta Vietnam.
Gailurra amaituta ohar bateratua argitaratu dute bertan izan diren herrialdeek, eta Etxe Zuriak ezarritako muga-zergekin "kezkatuta" daudela adierazi dute: "Neurri horiek munduko merkataritzari mehatxu egiten diote, eta ziurgabetasuna eragiten dute nazioarteko harremanetan". BRICS+ taldearen adierazpenei erantzun gisa, Trumpek Truth Social sare sozialean mehatxu egin du "Amerikaren aurkako politikekin" bat egiten duten herrialdeei arantzelak %10 igoko dizkiela.
Irango herritar, goi kargu eta gune nuklearren aurka berriki emandako erasoak ere hartu dituzte hizpide goi bilerako herrialdeek, Israel eta AEBak –eraso horien egileak– espresuki aipatu ez arren: "nazioarteko zuzenbidearen aurkako erasoak" izan zirela gaitzetsi dute, "gune nuklear baketsuen" eta "azpiegitura zibilen" aurka eginak. Palestinarren aurkako erasoen inguruan ere "kezka" adierazi dute gailurreko oharrean, eta Israeli eta Hamasi su-eten akordio bat negoziatzeko aurrez aurre biltzea eskatu diete.
Lulak NATOren aurka egin du
Gailurraren amaierako hitzartzean, Lula da Silva Brasilgo presidenteak gogor egin du NATOren aurka, erakunde militarrak bere kideei defentsa aurrekontua herrialdeko BPGaren %5 izatera igotzeko aginduaren harira: "Errazagoa da gerran inbertitzea bakean baino".
Lulak BRICS+ taldea Gerra Hotzean zehar bakerako tresna izan zen Lerrokatu Gabeko Herrialdeen Mugimenduarekin alderatu du, eta bere "oinordekoa" dela adierazi du: "Multipolartasuna erasopean dagoen honetan, gure autonomia jopuntuan dago beste behin".
Putin eta Xi Jinping ez dira gailurrean izan
2012an Txinako Alderdi Komunistako idazkari nagusi izendatu zutenetik, Xi Jinping lehen aldiz ez da izan BRICS+ taldearen gailur batean. Haren ordez, Li Qiang lehen ministroa izan da Rio de Janeiron. Vladimir Putin Errusiako presidenteak ere ez du bidaiatu Brasilera, 2023ko martxoan Nazioarteko Zigor Auzitegiak haren aurka ezarritako atxilotzeko agindua dela eta. Izan ere, Brasil Erromako Estatutuaren sinatzaileetako bat izanik, herrialdean izanez gero Putin atxilotzeko betebeharra izango luke. Sergei Lavrov Errusiako Atzerri ministroak hartu du haren lekua gailurrean.
Zerk lotzen ditu Galesko muino berdeak eta Patagoniako basamortu hotzak? Bada, hil nahi ez duen hizkuntza batek. Noelia Sánchez Jenkinsen arbasoak 1865ean lehorreratu ziren Patagonian (Argentina). Galesetik iritsi ziren, britainiarrek inposatutako zapalkuntzatik ihesean... [+]
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Israelen bonbardaketek Siriako Defentsa Ministerioa eta presidentearen egoitzaren ingurua izan dituzte jo-puntuan. Asteburuan tribu beduinoen eta milizia drusoen artean piztutako liskarrek gutxienez 300 hildako eragin dituzte As-Suwayda hirian. Israelen erasoen ondoren, Siriako... [+]
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Giza eskubideen aldeko Sudango abokatu talde baten arabera, Sudan mendebaldeko hainbat herrixkari eraso egin zieten larunbatean eta igandean, eta zibilak tiroz hil edota bizirik erre zituzten, etxeetan giltzapetuta. UNICEFek salatu du Ipar Darfurgo 40.000 haur artatu zituztela... [+]
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
