“AEBek ni zigortu izana haien erruduntasunaren seinale da”
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar erakustaldia, erruduntasunaren seinale baizik”.
Albanesek denbora darama NBEko kargu horretatik Israel Palestinan egiten ari den genozidioa salatzen, eta uztailaren 3an argitaratutako azken txostenean genozidio horren atzean dauden multinazionalen interes ekonomikoak ere jarri ditu luparen azpian.
AEBek ondasunak blokeatu dizkiote eta transakzio ekonomikoak egitea debekatu diote. Zigorraren aurrean, hainbat adierazpen egin ditu sare sozialetan. Adierazi du boteretsuek boteregabeen alde hitz egiten dutenak zigortzea ez dela indar erakustaldia, erruduntasun seinale baizik. Eta dei bat egin du: “Zutik egon gaitezen, elkarrekin”.
Begi guztiak Gazan jartzea eskatu du eta setioa haustea: “Abokatu sentiberak maite ditut, printzipiodun politikariak maite ditudan bezainbeste. Une honetan, biak behar ditugu guztiz konprometituta, %200ean konprometituta, genozidioa geldiarazteko. Begi guztiak Gazan egon behar dira, non haurrak gosez hiltzen ari diren amen besoetan, eta haien aitak eta anai-arrebak bonbardatzen dituzten janaria bilatzen ari diren bitartean. Nahikoa da. Bidali itsasontziak. Hautsi setioa. Elkarrekin, egin dezakegu. Elkarrekin, egin behar dugu”.
Justiziaren aldeko aldarria ere egin du: “Ziur nago, egun honetan inoiz baino gehiago: justiziaren alde nago irmo eta sinesgarri, beti egin dudan bezala. Zuzenbideko jakintsu ospetsuen, abokatu talentudunen eta epaile ausarten tradizioa duen herrialde batetik nator. Justiziaren alde egitea garesti ordaindu dute eta askotan beren bizitza eman dute. Tradizio hori ohoratzeko asmoa dut”.
Middle East Eye hedabidearen zuzeneko saioan ere hitz egin du, esanez: “Badirudi nerbio-puntu bat ukitu dudala”. Elkarrizketan kazetariari bere kezka horrela azaldu dio: “Nire kezka da jendea hiltzen ari dela Gazan zu eta biok hitz egiten ari garen bitartean, eta Nazio Batuek ezin dute esku hartu”.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]