Jesus Santrich FARCeko buruzagi ohia hil dute Kolonbian
Venezuelako mugan Kolonbiako Armadak egindako segada batean hil dutela adierazi du FARC-Segunda Marquetalia izeneko taldeak, FARC-EPk bultzatzen duen bake prozesutik aldendu eta gerrila borrokara itzuli den talde armatuak.
Seuxix Paucias Hernandez zen gerrilari buruzagiaren egiazko izena eta 2019an klantestinitatera jo zuen Ivan Marquez gerrilari buruzagiarekin eta beste hainbat gerrilarirekin. Kuban Kolonbiako Gobernuak eta FARCek eramandako negoziazio prozesuan parte hartu zuten bi buruzagi gerrilariek.
Gero, ordea, behin Kolonbian zela, AEBek droga trafikoa egotzi zioten eta Kolonbiako justiziak espetxeratu egin zuen. 2019an behin-behineko askatasunean utzi zuten eta une hori baliatu zuen berriz oihanera alde egiteko.
“Borrokan hilko naiz”
2020 martxoan argitaratu zuen ARGIAk Ibai Trebiño kazetariak Santrichekin egindako elkarrizketa, eta bertan etorkizuna iragartzen ari zela dirudi: “Borrokan hilko naiz, eta ez gerra zikinak balaz josita”. Ostera ere borroka armatura itzultzeko arrazoien artean zen Kolonbiako Gobernua ez zela betetzen ari Kuban sinatutakoa eta, besteak beste, talde paramilitarrek desmobilizatutako ehunka gerrilari ari zirela hiltzen, armadaren oniritziarekin. Halaxe zioen elkarrizketan armetara itzultzeko arrazoiez:
“Funtsezkoena eta garrantzitsuena: bizitzeko eskubidea. Ez da bermatu. Ezkutaezinak dira lider sozialen edo bergizarteratu diren ehunka lagunen hilketak azken hiru urteetan. Bakerako Jurisdikzio Bereziaren arloan adostutakoari egin zaizkion aldaketak ere aipa ditzakegu, hasieratik etsaiaren zuzenbide penala inposatu zuten esparru horretan”.
ELNk azaldu du aldebakarrekoa dela Kolonbiako presidenteak urtarrilaren 1ean iragarri duen aldebiko su-etena. "Ez da horrelako akordiorik eztabaidatu gobernuarekin", baieztatu dute. Gustavo Petrok atzera bota du su-eten ituna, eta gerrillari taldeari eskatu dio... [+]
Kolonbiako presidentetza hartu zuenetik “erabateko bakea” izan du helburu Petrok, eta 2023 urtea su-etena sinatuta hasi dute herrialdean: ELNrekin, FARCeko disidentziekin, eta zenbait talde paramilitarrekin hitzartu dute. Ekaina amaitu arte egongo da indarrean,... [+]
Lehen bilera egin dute ordezkariek Caqueta departamenduan, NBEko eta Norvegiako begiraleekin. “Erabateko bakerako” elkarrizketen bidea ireki dute asteburuan, eta azpimarratu dute beharrezkoa izango dela bi aldeek su-etena errespetatzea bitartean.
Kolonbiak pasa den urtean bizitako eztanda sozialaren erdian argitaratu zuen Alberdaniarekin Freytter elkarteak Confieso que he cumplido con la amistad (Aitortzen dut, laguntasunarekin bete dut). Alberto Pinzón mediku eta militante historikoaren ibilbidea laburbiltzen... [+]
2019an Ivan Duqueren Kolonbiako Gobernuak bake elkarrizketak apurtu arren, ELN erakundeko gerrilari talde batek bakegintzan lanean dihardu Kuban. Habanatik erantzun dizkigu galderak Askapen Nazionalerako Armadaren Komando Zentraleko kide eta negoziazio taldeko buru Pablo... [+]