ELNk ukatu du Kolonbiako Gobernuarekin aldebiko su-etena adostu zuenik

  • ELNk azaldu du aldebakarrekoa dela Kolonbiako presidenteak urtarrilaren 1ean iragarri duen aldebiko su-etena. "Ez da horrelako akordiorik eztabaidatu gobernuarekin", baieztatu dute. Gustavo Petrok atzera bota du su-eten ituna, eta gerrillari taldeari eskatu dio "menia egiaztagarria" ezartzeko, "indarkeria gutxitu dadin".


2023ko urtarrilaren 04an - 16:46
ELN eta Kolonbiako Gobernuaren negoziazio mahaia, 2022ko abenduan, Venezuelan. / Argazkia: Leonardo Fernandez.

Gustavo Petro Kolonbiako presidente ezkertiarraren gobernuak agintaldi hasieratik aldarrikatu du “erabateko bakea” lortzeko nahia. Azaro hasieran onartu zuten erabateko bakearen legea, eta zenbait gerrillari talderekin eta paramilitarrekin elkarrizketak izaten ari da gobernua.

Presidenteak baieztatu zuen 2023ko urtarrilaren 1etik ekainaren 30era bitarteko aldebiko su-etena adostu zuela bost talde armaturekin, horien artean ELN Nazioa Askatzeko Armadarekin. Bada, ezeztatu egin du orain ELNk, eta komunikatu batean adierazi dute elkarrizketen ordezkaritzak ez duela gobernuarekin eztabaidatu “inolako aldebiko su-eten proposamenik": "Ezin da onartu itun gisa gobernuaren aldebakarreko dekretu bat”, azpimarratu dute.

ELNk gogorarazi du hori datorren elkarrizketa zikloan, Mexikon, egin beharrekoa dela: “Adostuta dago Mexikon agenda moldatzen amaitzea. Aurreikusitakoa amaitutakoan prest egongo gara aldebiko su-etenaren proposamena eztabaidatzeko eta baldintzak ikuskatzeko”. Kolonbiako Gobernuko bozeramaile eta Barne ministro Alfonso Pradak ere berretsi du datozen elkarrizketetan berrekingo dietela ELNrekin su-etena eztabaidatzeari. Momentuz, bertan behera utzi dute urte hasieran iragarritako ituna.

Bitartean, Petrok gerrillari taldea "gonbidatu" du "egiaztagarria den menia" aldarrikatzera, "komunitateen eskeei erantzuteko" eta indarkeria txikitu dadin. Abenduaren 24tik urtarrilaren 2ra arte ELNk aldebakarreko menia ezarri zuen.


Kanal honetatik interesatuko zaizu: Kolonbiako bake prozesua
2023-01-02 | Leire Artola Arin
Su-etena adostu dute Gustavo Petrok eta bost talde armatuk ekainaren 30era arte

Kolonbiako presidentetza hartu zuenetik “erabateko bakea” izan du helburu Petrok, eta 2023 urtea su-etena sinatuta hasi dute herrialdean: ELNrekin, FARCeko disidentziekin, eta zenbait talde paramilitarrekin hitzartu dute. Ekaina amaitu arte egongo da indarrean,... [+]


2022-09-19 | ARGIA
“Erabateko bakerako” elkarrizketak hasi dituzte Kolonbiako Gobernuak eta FARCeko disidentziek

Lehen bilera egin dute ordezkariek Caqueta departamenduan, NBEko eta Norvegiako begiraleekin. “Erabateko bakerako” elkarrizketen bidea ireki dute asteburuan, eta azpimarratu dute beharrezkoa izango dela bi aldeek su-etena errespetatzea bitartean.


2022-05-24 | Xuban Zubiria
Alberto Pinzón eta Alexander Ugalde
"Tamalez, askotan errazagoa da gerra egitea"

Kolonbiak pasa den urtean bizitako eztanda sozialaren erdian argitaratu zuen Alberdaniarekin Freytter elkarteak Confieso que he cumplido con la amistad (Aitortzen dut, laguntasunarekin bete dut). Alberto Pinzón mediku eta militante historikoaren ibilbidea laburbiltzen... [+]


2021-05-19 | ARGIA
Jesus Santrich FARCeko buruzagi ohia hil dute Kolonbian

Venezuelako mugan Kolonbiako Armadak egindako segada batean hil dutela adierazi du FARC-Segunda Marquetalia izeneko taldeak, FARC-EPk bultzatzen duen bake prozesutik aldendu eta gerrila borrokara itzuli den talde armatuak.


2020-07-08 | Ibai Trebiño
"ELNk ez du baztertzen AEBetako soldaduekin liskar armatuak izatea"

2019an Ivan Duqueren Kolonbiako Gobernuak bake elkarrizketak apurtu arren, ELN erakundeko gerrilari talde batek bakegintzan lanean dihardu Kuban. Habanatik erantzun dizkigu galderak Askapen Nazionalerako Armadaren Komando Zentraleko kide eta negoziazio taldeko buru Pablo... [+]


Eguneraketa berriak daude