ARGIA.eus

2020ko maiatzaren 26a

ELNk hilabeteko su-etena iragarri du, koronabirusaren arazoari aurre egiteko

  • Kolonbiako herriarekiko “keinu humanitario” bat eginez, apirilaren 1etik 30era alde bakarreko su-etena iragarri du Kolonbiako ELN gerrillak. Erabakia NBEk munduko gatazkak eteteko deiaren ostean heldu da.

Maria Ortega Zubiate @ortegazubiate
2020ko martxoaren 31

Antonio Guterres Nazio Batuen erakundeko idazkari orokorrak deialdia egin zien munduan gatazkan zebiltzan indarrei su-etena iragarri zezaten, Estatuetako indar guztiak koronabirusari aurre egitera bideratzeko. Horrela egin du ELN gerrillak, Voces bere aldizkarian argitaratu denez.

Gerrillak azaldu bezala, su-etena aktiboa da, “herrialdeko hainbat eremutan dauden estatuko indarrak osatzen dituzten paramilitar, narkotrafikatzaile eta militar erregularren erasoetatik defendatu ahal izateko”. Horrez gain, gerrillak eskatu dio Ivan Duque Kolonbiako presidenteari hilabete horretan zehar Habanan batu daitezela aldebiko su-etena dekretatu eta bake prozesuarekin jarraitu ahal izateko.

Kolonbiako Gobernuari ez zaio aski iruditu gerrillaren erabakia. Miguel Ceballos Kolonbiako bakerako goi komisitonatuak esan du ez dela nahikoa erabakia bake prozesuari jarraipena emateko. Gehitu du erabakia berandu heldu dela, izan ere “hamabost egunetik gora” daramatzate koronabirusaren krisian murgilduta. Eta bake prozesuekin jarraitzeko baldintzak jarri dizkio ELNri: “Jarduera kriminalen” etetea eta bahitutakoak askatzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  ELN  |  Kolonbiako bake prozesua

Koronabirusa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude