Japoniak alarma egoera dekretatuko du herrialdeko hainbat prefekturatan
Tokio eta beste sei prefekturari eragingo die asteartean Japoniako Gobernuak hartuko duen erabakiak. Momentuz hilabeterako itzuliko da alarma egoera, baina ez dute ezeztatu luzapenik egongo denik. Epidemiaren jaioterritik hurbil, urtarril hasieratik birusaren kasuak egonkor mantentzea lortu du herrialdeak, zenbait hiritan agerraldi berriak izan arte.
Tokio, Kanagawa, Saitama, Chiba, Osaka, Hyogo et Fukuokako prefekturetan ezarriko da alarma egoera, eta bertako gobernadoreen esku egongo da neurriak ezartzea. Hezkuntza-zentroak eta jende pilaketak sortzen diren lekuak ixteko eskatu dezakete gobernadoreek, baita jabearen baimenik gabe eraikin edo lursailak erabili ere. Hala ere, Japoniaaren kasuan ezin ditzakete neurriak betetzen ez dituzten herritarrak zigortu, herritarren borondatearen araberakoa da konfinamendua betetzea.
Agerraldi berriak
Japonia, Txinarekiko hurbiltasun geografikoagatik, epidemiaren hasieratik izan da arrisku handia duen herrialdeetako bat. Hain zuzen ere, pandemia Europara eta mundu osora zabaldu aurretik, Japonia zen mundua gehien kezkatzen zuen herrialdeetako bat. Bertakoa zen Diamond Princess itsasontzia: 620 kasurekin momentu batean Txinatik kanpora kutsatu gehien zeuden lekua zen itsasontzi hori.
Herrialdeak Hego Koreako eredua jarraitu eta test ugari egin beharrean, eri larriak artatzeari ekin zion, eta birusaren hedapena egonkortzea lortu zuen, herrialdeko egoera ekonomiko oparoari esker. 1.800 kutsatu eta 55 hildako zenbatzen ziren. Orain ordea, herrialdean kasu berriak azaltzen hasi dira: 2.000 kasu berritik gora zenbatu ditu Japoniak azkeneko 10 egunetan, 3.743 guztira eta 85 hildako. Kutsatu gehien Tokion dago, 1.034 hain zuzen ere.
Zer dela eta kasu berri horiek?
Bazirudien Asiako ekialdeak atzean utzia zuela jada pandemia, apirilaren 6an Txinan hildakorik ez zenbatzeraino. Baina Japonian berriz egin dute gora koronabirusaren kasuek, herrialdeko zenbait hiri ixtea bezalako neurri drastikoak hartu behar izateraino. Horren arrazoia Japoniako Gobernuak ezarritako neurri ahulak direla diote zenbaitek.
Izan ere, gobernuak ez zuen konfinamendurik dekretatu pandemia hasi zenean, ezta kutsatu gehien zituzten prefeturak isolatu ere. Hezkuntza-zentroak itxi zituen eta jendeari etxean geratzeko eskatu, baina aditu askok neurri horiek “nahikoa ez” direla adierazi dute.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.