Israelek zortzi zibil hil ditu Libanon azken bi egunetan
Horietatik hiru haur siriarrak ziren, eta haien etxearen kanpoaldean jolasean zeudela hil dituzte, NBEak gaitzetsi duenez. Hezbollahk mehatxu egin du Israelgo zonalde berriei eraso egingo diela, Israelek azken egunetan Libanon egindako hilketen ondoren.
Armada sionistaren bonbardaketek bost siriar eta bi libanoar hil dituzte Libanon, horietako hiru haurrak, Al Jazeerak jaso duenez. Libano hegoaldeko nekazari herrixka batean hil dituzte hiru haurrak, beren etxearen kanpoaldean jolasten ari zirenean, Libanoko berri agentzia publikoaren esanetan. Bi zibil siriar ere hil dituzte, “igerilekutik itzultzen ari zirela”. Jendea laguntzera hurbiltzean, bigarren bonba bat jaurti du bertan Israelek, lekukoen arabera. Sionistek zortzi zibil hil dituzte azken egunetan Libanon, 550 pertsona guztira Gazako genozidioa hasi zenetik.
Israelek Hezbollahren aurkako eraso gisa argudiatu ditu bonbardaketok. Milaka bonba jaurti ditu jada azken hilabeteetan. Libanoko talde armatuak suziri eta misil ugari jaurti ditu Israelgo mugaz bestaldera, Gazako genozidioa jasaten ari diren palestinarrekiko elkartasunez. Eskualde mailako gerra piztearen beldurra areagotzen ari da zonaldean.
Libanoko Gatazka Armatuen Behatokiak argitaratutako datuen arabera, 7.400 erasotik gora izan dira Israel eta Libanoko mugan zehar, joan den urritik hona. Erasoen %83, 6.000tik gora, Israelek botatako bonbak dira. Ia 550 pertsona hil dituzte Libano hegoaldeko herrixketan, eta herrixka ugari suntsitu dituztela salatu dute tokiko erakundeek. Hezbollahk eta Libanoko beste talde armatuek 1.200 ekintza inguru egin dituzte hilabeteotan, suziri, misil eta drone eraso artean, eta 21 israeldar hil dituzte.
Orain arte, erasoak bi herrialdeen arteko mugaren inguruetan izan dira, gehienbat. Hezbollah “ustekabeko” gaitasun militarra erakutsi du, hala ere, Israelgo segurtasun zerbitzuek ere onartu duten moduan. Nahiz eta Israelgo aire defentsa sistemak lortu duen milizia txiitaren eraso gehienak geldiaraztea, Hezbollahk frogatu du Israelen mugak gainditzeko gaitasuna duela. Esaterako, Israel iparraldeko Haifa hirian eta sionistek Siriari kendutako Golango gainetan drone bidez grabatutako irudiak argitaratu zituen Hezbollahk ekainean, mehatxu gisa. 2006. urtetik ez daude ofizialki gerran Hezbollah eta Israel, baina tentsioa gora egiten ari da.
Hezbollahk Israelgo helburu militar berriak mehatxatu ditu
Hezbollahk ohartarazpena bidali dio Israeli, esanez suzirientzako “jo puntu berriak” bilatuko dituela zibilei eraso egiten jarraitzen badiete. Hassan Nasrallah Libanoko miliziaren buruak esan zituen hitzok Libanoko telebistan. Iranekin lotutako taldearen eta AEBen babesa duten sionisten arteko gerra hotsetan pauso bat gehiago eman dute adierazpenok, Israelen azken erasoekin batera. “Zibilei eraso egiten segituz gero Erresistentzia behartuko duzue orain arte kolpatu gabeko kokalekuei eraso egitera”.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]