Israelek 31 lagun hil ditu Gaza hegoaldean, laguntza humanitarioa banatzen ari ziren zentro batean
Israelgo armadako tankeak eta droneak zentrora bertaratzen ari ziren palestinarrei eraso egiten hasi dira, eta 31 lagun hil eta 115 zauritu dituzte. Israelek AEBek proposatutako su-etena onartu ostean, Hamasek zenbait baldintza gehitzea eskatu du: su eten iraunkorra lortzea, tropak zerrendatik ateratzea, eta laguntza humanitarioaren sarbidea bermatzea. Zisjordanian 22 kolonia berri ezartzea erabaki du Israelek.
aurre egingo dieten hedabide independenteak
Bi hilabetez Gazara bideratutako laguntza humanitario guztia itxita eduki ondoren, joan den astean ekin zioten janaria banatzeari zerrendako palestinarrei: GHF Gazako Fundazio Humanitarioa ari da banaketaz arduratzen, AEBetako enpresa baten gidaritzapean Israelgo armadak kontrolatzen duena. Duela astebete Israelgo soldaduek hiru palestinar hil eta 46 zauritu zituzten janaria banatzen ari ziren zentrora bertaratutakoei tiro egin ostean, eta gauza bera egin dute larunbatean: tankeak eta droneak zentrora joan diren palestinarrei eraso egiten hasi dira, eta azkenean 31 pertsona hil eta 115 zauritu dituzte, Gazako Gobernuak emandako datuen arabera.
Harrabots ugari eragin du GHFk bere sorreratik: Israelek maiatzaren hasieran aurkeztutako Gaza erabat okupatzeko planaren parte da elkartea. Palestinarrak zerrendatik kanporatzeaz gain, plan horrek xede du Gazara iritsitako laguntza humanitarioa Tel Aviven esku gelditzea. NBE Nazio Batuen Erakundeak ez du bat egin GHFk abiatutako elikagaien banaketarekin, "Gaza erabat okupatzeko" Israelek bitarteko gisa erabili nahi duen elkartea dela gaitzetsita. Hamasek, berriz, behin baino gehiagotan salatu du Israelek laguntza humanitarioa "txantaje" gisa erabiliko duela GHFren bidez.
Su-eten akordio batera iristeko aukera, berriz mahai gainean
Martxoaren 18an su-etena apurtu eta egun bakarrean gutxienez 400 lagun hil ostean, Gazarako menia berri baten aukerz hitz egiten hasi da berriro ere. Azken hilabeteetan bitartekari lanak egiten ari dira AEBak, Qatar eta Egipto, eta 60 eguneko su-eten proposamena egin zieten bi aldeei asteazkenean. Besteak beste, Hamasek dituen hamar gatibuak Israelera itzultzea aurreikusten du proposamenak –hilik dauden beste hemezortziren gorpuez gain– eta Tel Avivek 1.236 preso palestinar askatzea. Bi egun geroago eginiko prentsaurrekoan, Etxe Zuriko bozeramaile Karoline Leavittek jakinarazi zuen Israelek onartu egin zuela proposamen hori. Hamasek, ordea, adierazi zuen "aztertzen" ari zela, menia akordioak “hilketek eta goseteak” bere horretan jarraitzea bermatuko bailuke.
Talde palestinarrak igandean argitaratutako ohar baten jakinarazi du prest dagoela su-eten proposamena onartzeko, baina ondorengo hiru helburuak gehituta: su-etena iraunkorra izatea, tropak zerrendatik ateratzea, eta laguntza humanitarioaren sarbidea bermatzea.
Zisjordanian 22 kolonia berri ezarriko ditu Israelek
2023ko urriaz geroztik Israelek abiatutako oldarraldia ez dute soilik Gazako palestinarrek pairatu: izan ere, hamarkadetan zehar Zisjordanian aurrera eramandako okupazioa azkartu du Israelek, eta berriki iragarri du 22 kolonia gehiago ezarriko dituela bertan. Israelgo Gobernuko bi ministrok eman zuten asmoaren berri ostegunean, eta Israel Katz Defentsa ministroak adierazi zuen Zisjordanian kokagune berriak ezartzea "estrategikoa" dela bertan bizi diren israeldarren "segurtasuna" bermatzeko.
Israelgo Peace Now gobernuz kanpoko erakundea Zisjordanian ezartzen diren kokaguneak ikertzeaz arduratzean da, eta salatu du 1993an Israelek eta Palestinak Osloko Akordioa sinatu zutenetik Tel Avivek ez dituela erabaki kolpe bakarrean hainbeste kolonia ezartzea. Gainera, gobernuz kanpoko erakundearen arabera, 2022ko abenduan Israelgo egungo gobernua eratu zutenetik, Zisjordanian 49 kolonia berri iragarri dituzte.
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Abu Youssef Al-Najjar Ospitaleko zuzendari Marwan Al-Hams kanpainako ospitaleen arduraduna da eta Gazako Osasun Ministerioko bozeramailea. Uztailaren 21eko arratsaldean atxilotu dute Israelgo Indar Armatuek.
"Oinarrizko premiak bilatzen dituzten bitartean zibilak, haurrak barne, anker hiltzea" salatu dute. Gazan hamabost pertsona hil dira gosez azken 24 orduetan, eta AFP albiste agentziako kazetariek ohartarazi dute euren lankideak gosez hiltzen ari direla zerrendan,... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
Gazako Osasun Ministerioaren arabera, Israelek 2023ko urrian zerrendaren aurkako oldarraldia gogortu zuenetik 86 palestinar hil dira gosez, horietatik 76 haurrak. Manifestazioak egin dituzte hainbat herrialde arabiarretan, Gazarako su-etena aldarrikatzeko eta palestinarrek... [+]