Iruñeko haur eskoletan “euskarazko eskaintza gehiegi” dagoela esan du Maiak
Datorren ikasturtean (2020-2021) aldaketak eginen dituela iragarri du.
aurre egingo dieten hedabide independenteak
Iruñeko alkate Enrique Maiaren irudikoz, udalaren haur eskolen sarean "euskarazko eskaintza gehiegi dago". Hala adierazi zuen astelehenean, Hello Egunsenti haur eskolan, 0 eta 3 urte arteko haurren ikasturtearen hasiera ofizialean. Gauzak horrela, datorren ikasturtean (2020-2021) aldaketak eginen dituela gaineratu zuen.
Joan den legealdian, euskarazko haur eskolak bi izatetik lau izatera pasa ziren, Joseba Asiron alkatearen eskutik, eta EH Bildu, Geroa Bai, Aranzadi eta Izquierda Ezkerraren sostenguarekin. Iruñeko Udalaren haur eskolak hamaika dira guztira. Eta horietan hiru hizkuntza eredu eskaintzen dituzte: euskara, gaztelania, eta gaztelania ingelesezko jarduerekin. Iruñean, Lehen Hezkuntzan, haurren ia %30 matrikulatzen dituzte D ereduan.
Ikasturtea, abian
Hasi dira negarrak, haurrenak zein gurasoenak, 0 eta 3 urte arteko 900 ikaslek gaur hasi baitute ikasturtea, Iruñeko Udalaren haur eskola sarean. Egunotan adaptazio lan pertsonalizatua eginen dute. Eta adaptazio hori errazte aldera agiri bat sortu dute haur eskolotako profesionalek: Harrera aldia, familientzako esku-liburua. Udal haur eskolen webgunean aurki daiteke, eta paperean ere eskura daiteke.
Oraindik 50 plaza libre geratzen dira, zortzi haur eskoletan banaturik, zehazki Hello Egunsenti, Haurtzaro, Mendebaldea, Mendillorri, Hello Azpilagaña, Jose Maria Huarte, Goiz Eder eta Izartegin. Itxaron zerrendan guztira 203 haur daude. Kontua da geratzen diren plazek hainbatetan ez dutela bat egiten eskatzaileek behar duten profilarekin, haurraren adinari zein jardunaldiaren iraupenari dagokienez.
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Mugikortasun agenteen euskara eskakizunaren sententzia salatzeko, Egiako Justizia jauregiaren aurrean elkarretaratu dira Donostian.
Ttitto Betbeder Euskararen Erakunde Publikoko zuzendari berriaren ustez kontzertazioa sustatu behar da euskalgintzarekin eta aholku batzordea biziarazi berriro.
Eztabaida gutirekin baina herriaren indarrarekin egin du bere administrazio kontseilua Euskal Kultur Erakundeak irailaren 13 honetan. 70 eta 80 elkarteen ordezkaritza hurbildu zen mobilizaziora, baina suprefeta eta DRACa gabe egin behar izan dute.
Euskal Kultur Erakundeak (EKE), Ipar Euskal Herriko euskarazko kulturaren eragile garrantzitsuenak, arriskuan dauka bere burua, eta elkarretaratze deitu du larunbaterako Uztaritzen. Frantziako Estatuaren laguntzetan 30.000 euroko murrizketa jasan dute 2025ean (udan jakinarazia),... [+]
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Larunbat honetan Gasteiz Euskararen Hiria ekimenak hartuko du Gasteizko Andre Mari Zuriaren plaza. Goizean hasi eta gauera arte, “euskararen aldeko festa handia” izatea nahi dute euskalgintzako eragileek, kirol jarduerak, kultur emankizunak edo arratsaldeko... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
