Manifestazioa Iruñeko Foruen plazatik abiatu da, hezkuntzaren gaineko langile kontrola lelopean, NUPraino. 1500 lagun inguru hurbildu dira ostegunean, apirilean martxan jarri zuten "ondorioak ez ditzala langile klasea ordaindu" kanpaina bultzatzeko. 

Indar polizialen kontrol estuarekin eta osasun-irizpideak bermatuta, Arrosadia auzoa zeharkatu dute manifestazioan. Bertan izan da amaierako ekitaldia, eta hainbat adierazpen plazaratu ditu IAk: "Indarrak batuz eta elkarrekin borrokatuz bakarrik defendatu eta hobetu ditzakegu unibertsitateko langile klaseko sektore ezberdinen bizi- zein ikas-baldintzak".

Ahotsa.info atariak jaso duenez, mobilizazioaren amaieran hainbat gazte identifikatu ditu Espainiako Poliziak.