Irailaren 4an, bigarrenez egingo da Herrixka Euskarazko Aktibitateen Elkarte Foroa. "Lehen edizioak xede andana bati erantzuten ziola ikusirik, bigarren edizio aberatsagoa prestatu dugu", adierazi dute antolatzaileek.

BIL Baionako Ikastolen Laguntzaile taldeak aurrera eramandako ekimena da Herixka, eta euskararen alde lan egiten duten elkarteen topagune izan nahi du, elkarren artean hobeto ezagutu daitezen. "Helburua: ahoz aho pasatzen diren informazioak leku bakarrean elkartzea, sarea sendotzen lagunduz. Eta bide batez egun atsegingarri bat proposatzea Baionan", azaldu dute.

Musika, bertsoak, tailerrak, ipuin-kontalariak... egun osoko egitarau oparoa osatu dute larunbaterako, zazpi gunetan bereizita.