Eusko Jaurlaritzako Azpiegituren sailak jakinarazi du Metroaren pasantearen lanetan leherketak egingo direla ohartaraziz Antiguan azken egunetan postontzietan utzi diren orriak “gezurrezkoak” direla. "Hirietan egiten ditugun halako obretan, zulaketa lanak rozadorarekin egiten ditugu. Orain arte Antiguako auzokideekin egindako bost bileretan hala azaldu dugu argi eta garbi. Beraz, bileretan egondakoek badakite gezurra dela", adierazi dute.

Gertaera horren harira, Satorralaia bizilagunen mugimenduak eta Antiguan Metroa Gelditu ekimenak ohar bidez adierazi dute Metroaren lanetan lehergaiak erabiltzea benetan baimenduta duela egitasmoak, lurpeko harkaitza gogorra denean kasu.

Eusko Jaurlaritzak 2012ko ekainaren 21ean onartu eta abuztuaren 7an Aldizkari Ofizialean argitaratu zen Donostialdeko Metroaren Ingurumen-Inpaktuaren Deklarazioak hitzez hitz ondorengoa dio 2.c.4 ataleko D puntuan:

"En el caso de la utilización de voladuras, éstas deberán ajustarse a la norma UNE 22-381-93 (…) El promotor deberá poner en práctica un sistema de información personalizada a los habitantes próximos a la zona de excavación, de forma que éstos puedan conocer con detalle las medidas previstas para aminorar y controlar los efectos de las vibraciones y onda aérea producidas por las voladuras”.

Ondorengoa ere badio onartutako dokumentuak:

"En caso de resultar necesario el empleo de voladuras en el entorno próximo a viviendas habitadas o bienes inmuebles de interés patrimonial, el programa de vigilancia ambiental del proyecto constructivo incorporará el control eventual de las vibraciones en las fachadas más afectadas. Las medidas se ajustarán a lo establecido en la Norma UNE 22-381-93 y en la presentación de los resultados se indicarán los datos correspondientes a voladura".

Donostiako Metro pasantearen aurka ari diren bi herri mugimenduok salatu dutenez, "proiektuak leherketak egitea baimentzen du, proiektuaren bultzatzaileek gaurkoan ezagutzera eman nahi ez duten informazio publiko eta ofizialaren arabera. Bestalde, Metroaren pasantea zulatzeko metodoa leherketena edo beste izanda ere, hirian barrena tunel bat egitea beti da konplikatua, inguruko eraikinetan eragin ohi diren afekzioengatik".

"Herritarren gehiengoak zeharo behar gabekotzat jotzen duen proiektu hau geldiaraztea eskatzen dugu berriro, Donostian garraio publikoko soluzio egokienaren inguruan jendarteak eztabaidatzeko eta erabakitzeko aukeran izan dezan bide parte-hartzaileak irekitzeko", salatu dute.

Gutun faltsuak?

Eusko Jaurlaritzak jakinarazi du Donostiako bizilagunei helarazi dizkieten gutunak faltsuak direla, Irutxuloko Hitza-n jaso dutenez. Sare sozialetan hainbat erabiltzailek salatu zituzten gutun horiek jaso izana.

Erraustegiaren lanetan ere leherketak eta antzeko gutun "errealak"

Moyua enpresak, GHK-k Gipuzkoako erraustegia eraikitzeko kontratua eman zion UTE Civil Zubieta taldeko kideak, oharra pasatu zien ekainaren amaieran Zubietako erraustegiaren inguruan dauden etxeetako familiei, jakinaraziz ekaina bukatu aurretik egingo dituztela leherketak Artzabaletan, ARGIAn jaso genuenez.