Xabier Albistur, Donostiako alkate-ohia: “Metroa alferrikako obra da”

  • Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.


2021eko irailaren 02an - 15:09
Azken eguneraketa: 17:17
Xabier Albistur 'Diario Vasco'-rekin egindako elkarrizkeren une batean.

Donostiako alkate izana 1987 eta 1991 artean Eusko Alkartasunatik, Espainiako Kongresuko diputatua eta senataria ere izandakoa EAJtik, Xabier Albisturrek Donostiako metroaren proiektuaren kontra hitz egin du Diario Vascorekin egindako elkarrizketa batean.

“Metroa alferrikako obra bat da. Beste modu batean konpondu zitekeen, batez ere egiten duen ibilbideagatik”, azaldu du. Alkate-ohiak jakinarazi duenez Ernesto Gasco mugikortasun zinegotziari beste alternatiba bat azaldu zion, Urumea ibaia azpialdetik igaro eta Herrera auzoraino iristeko; “arrazoi teknikoengatik” ezezkoa erantzun omen zioten.

“Iruditzen zait proiektua ez dela nahikoa anbiziotsua, suposatzen duen inbertsiorako eta  egin behar den obrarako”, esan du Albisturrek. “Erabakiak hartu dira eta orain bakoitzak berea eman beharko du. Baina iruditzen zait zerbaitek huts egin duela proiektuarekin, ez dakit ondo ote zegoen neurtua, aztertua eta sakondua, ea non sartu behar ziren. Halako atzerapenak ez zaizkio batere komeni hiriari”.


Kanal honetatik interesatuko zaizu: Donostiako metroa?
Metroaren lanen ondorioz, atzo Donostiako eraikin batetik erlaitz eta balkoi zatiak erori zirela salatu dute

Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.


Donostiako metroaren lanek eraikin batean eragindako pitzadura salatu du Satorralaiak

Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]


Metroaren lanek beste pitzadura bat eragin dutela salatu du Satorralaiak

Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.


2021-09-15 | ARGIA
Eusko Jaurlaritza Donostiako metroaren pasantearen lanek kaltetutako bizilagunak “isilarazten” ahalegintzen ari dela salatu du EH Bilduk

Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.


Donostiako metroko lanen irregulartasunak eta horiek salatzeagatik pairatutako mehatxuak salatu ditu langile batek

Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.


Eguneraketa berriak daude