ARGIA.eus

2021eko irailaren 24a

Eusko Jaurlaritza Donostiako metroaren pasantearen lanek kaltetutako bizilagunak "isilarazten" ahalegintzen ari dela salatu du EH Bilduk

  • Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.

ARGIA @argia
2021eko irailaren 15a
(Argazkia: Iñaki Agirre)

Donostiako metroaren lanak hasi zirenetik hainbat kalte eragin dituzte pasantearen ibilbideko eta inguruko eraikinetan. Horien artean daude Zarautz hiribideko eta Zubieta kaleko eraikinetan agertutako pitzadurak eta 2019ko azaroan Zarautz hiribidean bertan gertatutako luizia.

Zarautz hiribideko bizilagun batek jasotako gutuna

Azken astean publiko egin da Zarautz hiribideko bizilagun bati metroaren lanak egiten ari den enpresa-multzoak egindako kalte-ordainen eskaintza. Gutun horretan bizilagunaren etxean lanek eragindako kalteen balioa zehazten da, eta kopuru hori ordainduko diotela. Horren truke, ordea, kopuru hori eragindako kalteen trukean jasotako erabateko kalte-ordaina dela onartu behar du bizilagunak, UTE Metro Benta Berri-ri eta Euskal Trenbide Sareari beste ezein erreklamazio egiteko aukera ukatuz.

Donostiako EH Bilduk salatu du gutun horren bidez, eta beste bizilagun batuzei helarazitako antzeko gutunen bidez, Eusko Jaurlaritza metroaren lanek kaltetutakoak "isilarazten" saiatzen ari dela. Horrez gain, publiko egin duen oharrean beste auzi bat ere jartzen du mahai gainean koalizioak. Izan ere, 2019ko kalteak metroaren lanek sortu zituztela ukatu zuten Eneko Goiak eta Eusko Jaurlaritzako ordezkariek. Kalte-ordainen eskaintza hauetan, ordea, kalte horiek metroaren pasantearen lanek eragindakoak direla onartzen dute eraikuntza-enpresek.

Bizilagunak kexu

Irutxuloko Hitzan Mikel Elkoroberezibarrek jaso duenez, gainera, Zarautz kaleko bizilagunak kexu dira. Hain zuzen ere, 2019ko luiziaren ostean haien etxearen osteko maldan sare metaliko bat baino jarri ez dutela salatu dute, eta konpondu gabe dagoela geroztik. Ostiralean argitaratuko du Irutxuloko Hitzak metroaren lanek Aizkorri eta Zubieta kaleko bizilagunei eragindako kalteei buruzko erreportajea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Donostiako metroa?  |  Donostia

Donostiako metroa? kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude