Donostiako metroko obrek sortutako azken zuloa aurrekoen hirukoitza da EH Bilduren arabera
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Eusko Trenbide Sarea Donostian eraikitzen ari den metro pasanteak eragindako azken zuloaren inguruan hainbat galdera luzatu ditu EH Billduk Donostiako Udalean. Joan den ostiralean agertu zen zuloa Zubieta kale inguruan eta Kontxako hondartzako aldagelak itxi behar izan zituzten horren ondorioz. EH Bilduko Garbiñe Alkizaren arabera, obrek aurretik eragindako beste bi zuloen hirukoitza da oraingoa eta 100 metro kubo hormigoi behar izan dituzte estaltzeko.
EH Bilduk salatu du azpiegitura hori eraikitzen ari diren administrazioen informazioa "zuloaren proportzioaren alderantzizkoa" izan dela eta ezkutukerian ibiltzea leporatu die: "Eneko Goiak metroaren zuloak estali nahi ditu isiltasunaren bidez eta egia esan gabe". Hala, euren esanetan, ETSren ohar labur bat baino ez da egin publiko gertaeraren inguruan eta gainera "hori ez da enpresa publikoaren webgunean jarri, ez eta sare sozialen bidez zabaldu ere".
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.