Donostiako Metroko zuloa orain arteko handiena dela esan du ETS-k

  • Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka. 


2021eko maiatzaren 25an - 10:10
Argazkia: Satorralaia

Maiatzaren 7an Kontxako hondartzako kabinetan beste zulo bat agertu zela salatu zuen EH Bilduk. Donostiako Metroko obretan agertu den hirugarren zuloa da, eta Euskal Trenbide Sareak astelehenean adierazi duenez orain arteko handiena izan da. Zuloa estaltzeko 130 metro kubiko hormigoi behar izan dituztela esan du ETS-ko zuzendari den Ernesto Martinez de Cabredok; ekainean eta irailean agertutako zuloetan erabilitakoa baino lau aldiz gehiago.

EH Bilduk herritarren eta langileen segurtasunagatik lanak gelditzeko eskatu du berriro, inguruko lurpeari buruzko "azterketa sakona" egin arte. "Orain arte egindako azterketek horrelako zulo handi bat antzemateko gai izan ez badira, nola ziurta dezakezue lanak ekainean berriro hasiko direla, ezer gertatuko ez balitz bezala?", galdetu du Garbiñe Alkizak obren jarraipen-batzordean.

Horrez gain, ETSri zuloaren agerpena ezkutatu izana leporatu dio Alkizak: “Lehenik eta behin, zuloa zegoela ezkutatu zuten, eta gero, EH Bilduk argitara eman zuenean, garrantzia kentzen saiatu dira, gaur egun zulaketekin jarraitzeko segurtasun-berme nahikorik ez dagoela ezkutatzeko, eta jakin badakitelako obretan lardaskeria egiten ari direla”.


Kanal honetatik interesatuko zaizu: Donostiako metroa?
Metroaren lanen ondorioz, atzo Donostiako eraikin batetik erlaitz eta balkoi zatiak erori zirela salatu dute

Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.


Donostiako metroaren lanek eraikin batean eragindako pitzadura salatu du Satorralaiak

Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]


Metroaren lanek beste pitzadura bat eragin dutela salatu du Satorralaiak

Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.


2021-09-15 | ARGIA
Eusko Jaurlaritza Donostiako metroaren pasantearen lanek kaltetutako bizilagunak "isilarazten" ahalegintzen ari dela salatu du EH Bilduk

Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.


2021-09-02 | ARGIA
Xabier Albistur, Donostiako alkate-ohia: “Metroa alferrikako obra da”

Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.


Eguneraketa berriak daude