Gure haurrak ere badira ekimenak mobilizazioa egingo du ekainaren 12an, Gasteizen
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Gure haurrak ere badira ekimenak ikasturte amaierako mobilizazioa antolatu du: Rafah-ra doan nazioarteko martxarekin bat eginda, Gasteizen ere martxa antolatu du. Ekainaren 12an hiru zutabe abiatuko dira hirian zehar, eta Plaza Berrian bukatuko da, Palestinako koloreez osatutako mosaiko bat osatzeko. Mobilizazioan lortutako diru guztia UNRWA NBEren Palestinako errefuxiatuen agentziara bidaliko dute.
Horrekin batera, beste ekimen bat ere iragarri dute: ikastetxeei deia zabaldu diete ikasgeletako mahai huts batean lore bana jartzekoa. Ikastetxeetako argazkiak jasoko dituzte eta Eusko Jaurlaritzako eta Nafarroako Gobernuko Hezkuntza eta Justizia Sailetara bidaliko dituzte, “Euskal Herriko hezkuntza komunitatearen sentimenduaz jabe daitezen”.
Plataformak iragarritako bi ekimenak ikasturteari amaiera emateko dira; baina beste hainbat ekimen egin ditu ikasturtean. Horien artean izan dira ikasleek egindako irudiak jaso eta Palestinara bidaltzea, genozidioa salatzeko mobilizazioak egitea eskoletan eta Askatasun doinua liburuaren itzulpena Palestinara bidaltzea.
Danimarkan, Palestinaz ezin berba egin
Eskoletako debateetan Palestinari buruz eztabaidatzea debekatu dute Danimarkan. Herrialde hartan, 13 eta 15 urte arteko ikasleek debateak egiten dituzte bi urtean behin, 70.000 ikasletik gorak hartzen dute parte, “gazteen hezkuntza demokratikoa indartzea” helburu: herrialdean sona handia izaten du, telebistan ere ematen dute amaiera. Aurten da debateen txanda, eta Parlamentuko mahaiak debekatu egin du Palestinako Estatuaren errekonozimenduaren inguruan eztabaidatzea, “gai konplexu eta satinbera” dela eta debateek irauten duten denbora laburrean ganoraz argudiatu esanez.
Erabakiak haserreak piztu ditu herrialdean. Oposizioko alderdiek eta hezkuntza komunitateko kideek erabakiaren aurka egin dute, gaiak debekatzea “arriskutsua” dela esanez. Zenbait eskolatan adierazi dute gaia landu behar dela, isilarazteak “benetako arazo” bihurtzeko arriskua baitu. Beste zenbaitek gehitu dute Gazako sarraskiaren inguruan berba asko egin dutela dagoeneko, eta gaiak debekatu baino, gaiak lantzeko marko eta arauak ezarri behar direla aldarrikatu dute.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Israelek 33 palestinar hil ditu Gazan igandetik astelehenera bitartean, horietatik sei janari bila zihoazela. Israelgo armadak jakinarazi du Gazan bahituta zituzten hiru israeldarren gorpuak berreskuratu dituela. Bestetik, Mahmud Khali AEBetako Columbia Unibertsitateko ikaslea... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.