Guardia Zibilak Iñaki Abad, Jon Ander Cob, Aratz Urrizola eta Julen Goikoetxea atxilotu ditu

  • Astearte goizeko 8:00etan abiatu den polizia operazioan, Guardia Zibilak atxilotu egin ditu joan den ostiralean Espainiako Auzitegi Nazionalak zigortu zituen eta kalean ziren Jon Ander Cob, Aratz Urrizola, Iñaki Abad eta Julen Goikoetxea.


2018ko ekainaren 05an - 09:06
Guardia Zibilak operazioa egin du Altsasun. (Argazkia: Guaixe)

Espetxean ziren lehendik ere Adur Ramirez de Alda, Jokin Unamuno eta Oihan Arnanz.

Bi urteko espetxe zigorra ezarri dioten Ainara Urkijo ez dute atxilotu.

Madrilera daramatzate Naiz-ek informatu duenez.

Entzun Altsasuk sareratu du Iñaki Abad atxilotu duten unea.

Jarraian Guaixek kaleratu duen bideoa.

Amaia Amilibia, Jon Ander Coben ama da, atxilotu duten gazteetako bat. Astelehen arratsaldetik Guardia Zibilaren presentzia handia salatu du, eta astearte goizean atxiloketa nola izan den azaldu du.

 

Guztira 79 urteko espetxe zigorra bi guardia zibilekin izandako liskarragatik

2016ko urriaren 15ean, herriko feria eguneko goizaldeko 5:00etan herriko taberna batean kalez jantzitako bi guardia zibilen, beren bikoteen eta altsasuar talde baten arteko liskarraren ondorioz, agenteetako batek txorkatila lesionatuta amaitu zuen alde batean, eta zazpi gaztek espetxeratuta beste aldean. Hamar eta hamabost urte arteko kartzela zigorra eskatzen zieten bakoitzari.

Kasuak haserre handia eragin zuen eta atxilotuen senide eta lagunek mugituta, kanpaina etengabea egin dute justizia eske. Altsasun 20.000 lagun bildu zituzten atxiloketak gertatu eta gutxira. Herriz herri beren aldarrikapenen inguruan atxikimenduak biltzen pasa ostean urte eta erdi, apirilaren 14an, 50.000 lagunetik gorak Iruñea erdialdea kolapsatu zuten “ez da terrorismoa, justizia” lelopean.

“Kalteak, desordena publikoa eta mehatxuak” eta “agintearen aurkako atentatu” delituak leporatu dizkie Espainiako Auzitegi Nazionalak zortzi gazteei.

Kasuak oihartzun mediatiko handia lortu du, eta besteren artean The Guardian, Al Jazeera eta New York Times-ek idatzi izan dute kasuaz.


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude