Jon Ander Cob eta Julen Goikoetxea Altsasuko gazteei hirugarren gradua ukatu diete, baina lan egiteko edo ikasteko irten ahalko dira
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
Espainiako Espetxe Zaintza Epaitegiko epaile José Luis de Castrok hartu du erabakia. 100.2 artikulua onartu die Castrok Cob eta Goikoetxeari, baina ez hirugarren gradua. Edonola dela, espetxetik irteteko baimena dute orain, ikasteko eta lan egiteko bada. 2018az geroztik Zaballako (Araba) espetxean daude biak. Epaileak argudiatu du bi presoek portaera ona dutela kartzelan, eta delitua errepikatzeko aukerak urriak direla.
Altsasuko Gurasoak sare sozialetatik nabarmendu du Cobek eta Goikoetxeak bigarren graduan jarraituko dutela, baina irteerak egiteko aukera izango dutela. Irteera baimenen aplikazioa luzatu daitekeela ere jakinarazi dute: “Jonan eta Julenek ez dute berehalakoan lortuko erdi-askatasuna. Ez dakigu zenbat luza daitezkeen haien gradua malgutzeko beharrezkoak diren izapideak, baina espero dugu ahalik eta lasterren egitea”.
La obtención de la semilibertad por parte de Jonan y Julen no será inmediata. Desconocemos cuanto se pueden alargar los tramites necesarios para materializar la flexibilización de su grado, pero confiamos en que sea lo antes posible. #AltsasukoakASKE ETXEAN ETA ASKE NAHI DITUGU pic.twitter.com/rJs1F9h8EE
— Altsasu gurasoak (@Altsasugurasoak) November 18, 2020
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
