Facebook, orrialde feministen zentsuratzaile
Hainbat gune feminista itxi ditu Facebookek azken hilabeteotan, tartean, "Memes Feministas" eta "Feministas Acidas" orriak, Eldiario.es-ek dioenez. Eduki “desegokia” izatea leporatu die. Kudeatzaileek zentsura salatu dute.
“Umore matxista da nagusi zibermunduan. Guk ere umore bidez patriarkatua dinamitatuko dugu”. Horrela aurkezten dute euren burua "Memes Feministas"-eko kideek Facebookek bertan behera utzitako txokoan.
Umorea egin asmoz, memeak erabiltzen zituzten. Alegia, esaldi satirikodun argazkiak. Era horretan, matxismoaren harira ironizatzen zuten, sarkasmoa baliatuz. Hemen adibide batzuk, gaztelaniaz.
Sare sozialari, baina, ez zaio egitasmoa gustatu, eta abenduaren 29an geroztik amaitutzat eman nahi izan du kolektiboaren lana. 13.000 jarraitzaile inguru zituen orrialdeak une horretan.
Dena den, "Memes Feministas"-eko ekintzaileek sarean jarraituko dutela ziurtatu dute. Webgunea martxan dute, baita Twitterreko kontua ere.
Normatibitate ezak Facebookeko morala urratzen duenean
"Feministas Acidas" profila ere sare sozialetik kanpo utzi du Facebookek. Urriaren 14ean itxi zuen “behar bezalakoa” edo “pornografiari lotutako” edukia izatea argudiatua. 50.000 zale zituen orduan guneak, eta feminismoari lotutako testuak lantzen zituen.
Besteak beste, hilerokoko odola, emakumeen masturbazioa, eta gorputz ez normatiboen argazkiak azaltzen ziren Facebooken, eta irudi horiek izan litezke zentsuratzeko aitzakia. Orrialdea bisitagarri ez dagoela dio sareak, eta esku batekin ilustratzen du oharra.
Egun, feministasacidas.com helbidean jarraitu daiteke, baita Twitter bidez ere @feminazida kontuan.
Irene Redondo kazetaria da egitasmoa bideratzen duena. Hainbat gai lantzen ditu, sexualitatea, genero rolak, espazioak eta komunikabideak kasu. Tartean, Abortuaren Legearen Erreformaren analisia egin berri du.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Askotariko erresistentziak gorpuzten eta aldarrikatzen ditu Aiert Alberdi kantautore oñatiarrak oholtzan zein egunerokoan: gaztea, genero disidentea, euskalduna, langile klasekoa eta herri txikikoa… Musika eta feminismoa ditu indarkeria patriarkalari aurre egiteko... [+]
