Eusko Legebiltzarra dekretu bidez berriz martxan jartzeko eskatu du EH Bilduk

  • Gaur ziren egitekoak EAEko hauteskundeak eta gaurko hauteskundeak deitu zirenetik dago deseginda Legebiltzarra. Koronabirusagatik hauteskundeak atzeratu baziren ere, Legebiltzarra ez da aurreko jarduerara itzuli. Maddalen Iriarte EH Bilduko bozeramaileak Iñigo Urkullu lehendakariari eskatu dio erakunde honen jarduera "dekretu bidez" berriz ere gaitu dezala, hauteskundeak berriz deitu arte.


2020ko apirilaren 05an - 10:03

"Anomalia demokratiko hau ezin dela onartu" adierazi du Iriartek eta aurreratu du EH Bilduren lantalde juridikoa txostena prest duela, Legebiltzarraren jarduera berriz hasteko aukera ematen duena. "Lehendakari izan zen hauteskundeak deitu zituena, hauteskunde horiek dekretu bidez atzeratu zituena, eta orain Eusko Legebiltzarra berriz eta abian dekretu bidez jar dezakeena. Borondate politiko kontu bat da" esan du.

"Urkulluren Gobernua gutxiengoan dago, baina gehiengo osoa balu bezala jokatzen du" salatu du. Lehendakariari eskatu dio "aniztasun politikoari, parlamentarismoari eta aurkari politikoari errespetua" izateko. "Inprobisatzen" aritzea eta "koronabirusaren krisiari aurre egiteko planik ez izatea" leporatu dio, eta Iriarteren iritziz derrigorrezkoa da Legebiltzarra berriz ere martxan izatea "guztion artean krisi honi aurre egiteko euskal plan bat osatzeko".


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude