Euskararen alde Ozazetik Ortzaizera korrika egitera deitu du gazte talde batek

  • Aurtengo Korrika pandemia dela-eta bertan behera geratu denez, ekainaren 13an "Herrika" antolatzea erabaki du Ortzaizeko gazte talde batek. Hogei herri baino gehiago zeharkatuko ditu korrikaldi "mugatu" honek. biltzen duten dirua AEKri bideratuko diote.

     


2021eko ekainaren 08an - 10:13
Azken eguneraketa: 12:41

Iurre Bidegainek Kazeta-n azaldu duenez, Ortzaizeko hainbat gaztek bilkurak egin ditu Garaziko gaztetxean eta Herrika deituriko ekimena antolatzea prestatu dute. Ekainaren 13an egingo dute segurtasuna bermatuko duen eta "mugatua" izango den ekimena. Nahia Ocafrain Ortzaizeko gazteak Kazetari adierazi dionez, "helburua da gazteak ere euskararen inguruan mobilizatzea ekitaldi bat sortzeko".

Diru biltzea AEKrentzat

Ekimenean dirua biltzeko pasaraziko duten kutxaz gain, Herrika lasterketa bereziaren kamisetak ere salduko dituzte.

Hona hemen ibilbidea:

- 07.00etan, Ozazeko plazatik abiatuko da Herrika.

- 07:13 Zalgize (sartzean)

- 07:24 Mendikota (herriko etxean)

- 07:34 Mendi (plazan)

- 07:54 Altzürükü (sartzean)

- 08:31 Urdiñarbe (plazan)

- 08:45 Muskildi (plazan)

- 09:57 Donaixti (plazan)

- 10:12 Bunuze (eskolan)

- 10:42 Lartzabale-Zibitze (itzulgunean)

- 11:21 Ainiza-Monjolose eta Gamarte (Euskal Herriko Laborantza Ganbaran)

- 11:46 Suhuskune (bihurgunean)

- 12:05 Jatsu (Izpurako bide bazterrean)

- 12:38 Izpura (Patrikenian)

- 12:48 Donibane Garazi (herriko etxean)

- 12:52 Uharte-Garazi (plazan)

- 13:04 Lasa (plazan)

- 13:15 Azkarate (gazteluan)

- 13:37 Anhauze (plazan)

- 13:54 Irulegi-Germieta (plazan)

- 14:17 Baigorri

- 15:20 Arrosa (zubian)

- 15:45 Ortzaize (ezker paretan).

Ortzaizen, bukaera emateko ekitaldi berezia antolatu dute, 16:00etatik aurrera: Xiberoko dantzari talde bat emanaldia eskainiko du eta Maddi Sarasua eta Elixabet Etxandik bertsoak kantatuko.


Kanal honetatik interesatuko zaizu: Euskara
EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


2024-06-25 | Euskal Irratiak
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


burruntziak eta sorgin-orratzak
Badakizu nola esaten den ‘libélula’ / ‘libellule’ euskaraz?

Iñaki Mezquita Aranburu (Alegia, Gipuzkoa, 1959) Aranzadi Zientzia Elkarteko kidea da, odonatuzalea eta argazkilari naturalista. Iberiar Penintsulan bizi diren 84 burruntzi eta sorgin-orratzen izenak jaso ditu euskaraz. Zerrenda ofizial egiteko azken urratsaren zain daude... [+]


Eguneraketa berriak daude