ARGIA.eus

2021eko urriaren 21a
Carolina Darias, Espainiako Lurralde Politikako ministroa

"Euskarak ez du lanpostu publiko baterako derrigorra izan behar"

  • Espainiako Lurralde Politikako ministroaren hitzetan, lanpostu publiko bat lortzeko euskara derrigorra ez, baina "meritu gisa" baloratu behar da.

ARGIA @argia
2020ko otsailaren 20a
Carolina Darias / Moncloa.com

EAJko Josune Gorospe diputatuari erantzutean egin ditu adierazpenok Dariasek, galdetu dionean ea Espainiako Gobernuak ezarri duen euskalduntze planik EAEn lanean dabiltzan Estatuko Administrazioko funtzionarioentzat.

Ministroak gogorarazi du hizkuntza koofizialen batzorde bat dagoela, eta adierazi du "arrazoizko epe batean" bere Ministeritzak batzorde hori deitzeko asmoa duela, hizkuntza koofiziala duen erkidego batean. Gaineratu du Gobernuak aurreikusia duela akzio-plan bat lantzea "hizkuntz aberastasuna" bultzatzeko, "baina betiere funtzio publikorako meritu gisa hartuta". Zentzu horretan Espainiako presidente Pedro Sánchezek "urrats erabakiorrak" eman dituela dio Dariasek.

Transferitzeke dauden eskumenak

Dariasek eta Josu Erkoreka Eusko Jaurlaritzako Gobernantza Publiko eta Autogobernuko sailburua Gasteizen bilduko dira gaur, osteguna, transferitzeke dauden eskumenen egutegia zehazteko. Gizarte Segurantzaren erregimen ekonomikoaren kudeaketari buruz hitz egingo dutela espero da, EITBk nabarmendu duenez. Espetxeei buruzkoa da transferitzeke dagoen beste eskumen garrantzitsuenetako bat.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskara lan munduan kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude