EITBko Euskara Batzordeak salatu du euskararen eskakizuna baztertu dela zuzendaritza postuetan
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social Media zein Eitb.eus-eko zuzendaritzarako, eta zuzendaritza komertzialerako.
.jpg)
Euskara Batzordeak egoera kritikatu du, eta EITBren euskara planean ezarritako helburuak “zapuztu” egin direla esan du. Halaber, ohartarazi du euskaraz ez dakiten zuzendariek gaztelania ezartzen dutela harreman eta kudeaketa prozesuetan, eta gaineratu du, euskara “baztertzearen eta gutxiestearen” irudia zabaltzen ari dela EITB.
Batzordeak gogorarazi du EITBko zuzendaritzarekin eta langileen ordezkariekin adostutako 2023-2027ko euskara planak helburu argiak ezarri zituela. Horietako bat zen EITB barruan euskararen erabilera sustatzea eta euskararen aldeko jarrera sendoa gizartean zabaltzea. Salatu du zuzendaritzak ez dituela betetzen planaren oinarriak, eta horrek eragin negatiboa duela EITBren irudian.
EITBn “atzerapausoak” eman eta hizkuntzaren eskakizunak lausotu egin dira, batzordearen esanetan. Azaldu du atera berri diren deialdietan ez dela eskatu euskarazko C1 maila, aitzitik, euskara, gaztelania eta ingelesa menperatzea izan da ezarritako baldintza. Ez da, ordea, euskara mailaren eskakizuna alde batera uzten duten lehen aldia. Izan ere, abenduan izendatu zuten Eitb.eus-eko zuzendari Nagore de los Rios C1 titulaziorik gabe.
EITBko, ETBko, Radio Vitoriako, Radio Euskadiko, Euskadi Irratiko, Gazteako eta EITB.Net-eko langile batzordeek eta erredakzio kontseiluek bat egin dute Euskara Batzordearen salaketarekin. EITBren zuzendaritzari eskatu diote berriz azter ditzala azken hautaketa prozesuak eta euskarazko maila akademikoari dagokion betekizuna ezar dezala postu guztietan.
Aldekoa zuzendariaren erantzuna
Andoni Aldekoa EITBko zuzendari nagusiak onartu du ez dagoela euskara eskakizunik zuzendaritza postu guztietarako, eta esan du profil profesionalak eta hizkuntza baldintzak orekatu behar direla. Hala ere, adierazi du ahalegintzen direla euskaldunak izendatzen, baina beti ez dela posible. "Gu saiatzen gara euskaldunak lortzen zuzendaritzarako, baina beti ezin da", esan du Aldekoak.
Euskararen normalizazioaren motorrak herri dinamikara bueltatu behar du aurrera egin nahi badugu
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.