Euskara ikasteko eskaintza da murriztu duten bakarra Iruñeko Hizkuntza Eskolan
Ingelesa, italiera, alemana eta frantsesaren eskaintza mantentzea edo handitzea erabaki du Nafarroako Gobernuko Hezkuntza departamentuak. Aldiz, euskara taldeak murriztu egin ditu, Hizkuntza Eskolaren irizpidearen aurka: "Badirudi Eskola enpresa pribatua balitz bezala kudeatu nahi duela Hezkuntza departamentuak, gurea hezkuntza publikoa dela ahaztuta".
Iruñeko Hizkuntza Eskolan ikasturte honetan eskainiko dituzten 3.950 plazetatik ia erdia ingelesa ikasteko izango dira (1.925), italiera eskaintzak ere gora egin du, eta frantsesak eta alemanak mantendu egin ditu plazak. Euskarak bi talde galduko ditu, 750 plazatik 700 plaza eskaintzera igaroko da Eskola, Gobernuko Hezkuntza departamentuak hala erabakita.
Eskolako euskara irakasle Jaume Gelabertek ARGIAri azaldu dionez, Eskolako zuzendaritzak euskara plazak mantentzea zuen eskatua, baina kontrako erabakia hartu du Hezkuntzak: “Oro har, departamentuak hartutako erabakiek aditzera ematen dute ez dutela Eskolaren funtzionamendua ezagutzen, eta argi dago anitzetan beren irizpideek ez dutela gureekin bat egiten”.
Are, “zaila da esaten zer irizpide hartu dituen Hezkuntza departamentuak taldeak ixteko, ez baitigu bere irizpideen berri argirik eman”. Irizpidea ikasle kopurua bada, Gelabertek dio taldeak banan-banan hartzeak ez duela zentzurik, urteren batean arrazoi puntualengatik talde batean ikasle gutxi izaten ahal direlako, eta hurrengoan gehiago. “Bestalde, uste dugu batez besteko globala hartu beharko litzatekeela kontuan, eta horretan ia 22 ikasle genituen taldeko”.
Kopuruak gorabehera, “badirudi Eskola enpresa pribatua balitz bezala kudeatu nahi duela Hezkuntza departamentuak –salatu du irakasleak–, gurea hezkuntza publikoa dela ahaztuta, eta horrela izanik, gure iritziz, zenbakiek ez lukete irizpide bakarra edo nagusia izan behar. Nafarroako gizartea buruan, gure eskaintza dibertsifikatzen saiatu gara moduluen bidez, eta horretan ere departamentuak bidea itxi digu”.
Urtez urte euskarari murrizketak
Urtez urte, euskararen eskaintza gero eta txikiagoa da Nafarroako hizkuntza eskoletan; azken bost urteetan euskara ikasteko 825 plaza eskaintzetik 700 plaza izatera igaro da Iruñekoa. Aurten, "momentuz uste dugu ez dela euskara ikasi nahi duen ikaslerik kanpoan gelditu; taldeak itxi izanaren eragina irakasle kopuruan nabaritzen da batez ere, eta azterketa garaiko lan-karga izugarrian".
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Aiaraldeko Hizkuntzen Mapa proiektuarekin bat egin dute Amurrioko Amaurre, Zaraobe, Aresketa Ikastola, Mendiko Eskola eta Zabaleko ikastetxeek. Aiaraldeko Euskalgintza Kontseiluarekin elkarlanean udalerrian presente dauden hizkuntzak ikertu dituzte.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Bai Euskarari ziurtagiria lortzeko interesa agertu duten herriko 42 elkarte eta establezimenduekin Euskararen Mapa osatu dute Urruñan. Euskara «biziago» egiteko pausoak emateko prest liratekeen eragileak identifikatu ondoren, urratsak egiteko laguntza emango zaie,... [+]
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Egungo kurduerazko idazle esanguratsuenetakoa da Mizgin Ronak. Zortzi liburu ditu idatzita, bost eleberri eta hiru olerki liburu. 16 urte zituenean ihesera jo zuen, eta urte eta erdiren ondoren haren jaioterrian atxilotu zuten, Diyarbakirren. 1992an, 18 urte besterik ez zituela,... [+]
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Madrilgo presidente Ayuso faxistak itsuskeria egin dio EAEko lehendakari Pradalesi, euskaraz aritu delarik, harrokeriaz, aldibereko itzulpen sistema erabiltzeari uko egin eta alde eginda. PPko senatari batek ere “txorradatzat” hartu du “hogei... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
2024ko irailean, herritar batek salatu zuen Erandioko udaltzain batek arreta euskaraz ukatu eta jokabide hori behin baino gehiagotan errepikatu zela, baita telefonoz kexatu zenean ere. Salaketak erakusten duenez, hasiera batean, arreta eta dokumentazioa gaztelaniaz bakarrik eman... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]