Nafarroako Gobernua murrizketak egiten ari da hizkuntza eskoletako euskara taldeetan
Hamabi irakaslek 2.040 idazlan zuzendu eta 680 ikasleren ahozko probak egingo dituzte 18 egunetan, “kontuan hartu gabe idazlan bakoitza bi irakaslek zuzentzea litzatekeela gure helburu ideala, bigarren iritzi bat izateko”. Jaume Gelabert Iruñeko Hizkuntza Eskolako euskara irakasleak egindako salaketak hutsune sakonagoa utzi du agerian: "Ixten ari dira ongi funtzionatzen duten euskara taldeak, nahikoa ikasle dituztenak, ez dakigu zein irizpideren arabera".
aurre egingo dieten hedabide independenteak
Ikasturtean zehar hizkuntza eskolara joan diren ikasleak eta zuzenean azterketara aurkezten direnak hartuko dituzte egunotan Iruñean, tartean EAEko jende ugari, euskarazko C1 maila ziurtatzeko azterketa librea egiteko aukera kendu zuelako Eusko Jaurlaritzak, eta gainerako mailetara aurkezteko ikasle libreen kopurua mugatu egin duelako EAEn. Nafarroan, baina, ez dago mugarik, eta ikasle guztien lanak zuzentzeko laguntzaile bakarra baino ez zaio gehitu lantaldeari. Idazlan bakoitza bi irakaslek zuzentzea litzateke ideala, “baina guztiekin hori egitea ezinezkoa da, justu-justu dugu denbora irakurketa bakarrerako. Ahozko proban berriz, epaimahaia lehen hiru pertsonak osatzen genuen, orain bik”, kontatu dio ARGIAri Gelabertek.
"Ongi egin nahi ditugu gauzak, batetik ikasleek titulua behar dutelako eta sarri lanpostu baterako bidea delako, baina bestetik euskara maila bermatu nahi dugulako"
“Ongi egin nahi ditugu gauzak, batetik ikasleek titulua behar dutelako eta sarri lanpostu baterako bidea delako, baina bestetik euskara maila bermatu nahi dugulako, gure tituluak aukera ematen baitu adibidez irakaskuntzan aritzeko, eta maila hori ziurtatzea gure ardura da”. Baliabide pertsonal eskasek, ordea, “zuzenketen kalitateari eragiten diote eta jakina saiatuko garela bermatzen ikaslearen maila dela guk ebatzitakoa, baina denbora gehiago izango bagenu eta baliabide gehiago, eraginkorragoa litzateke ebaluazioa”.
Ikasleek eurek egin beharreko probak ere auzitan jarri ditu irakasleak: entzumen eta irakurketa ariketaz gain, egun berean hiru idazlan egin behar dituzte. “Arratsalde bakarrean, sekulako maratoia egin behar dute, C1 azterketa adibidez lau ordu pasa dira, astakeria bat, eta pentsatzen dugu horrek ere eragina izanen duela ikasleen azken emaitzan”."
"Euskara hemengo hizkuntza da, baina ez dakit beraiek oso argi duten hori, akaso hori da funtsa"
Zergatik ari dira euskara taldeak murrizten?
Garai batean, hizkuntza eskolatik erabakitzen zuten zenbat eta zein talde nahi zuten eskaini, orain aldiz Hezkuntza Departamentuak erabakitzen du zein talde itxi, zein mailatan. Eta Jaume Gelabertek azaldu duenez, urtez urte euskara ikasteko talde gero eta gutxiago dituzte (eta ondorioz gero eta irakasle gutxiago), Nafarroako Gobernutik itxi egiten dituztelako taldeak. Berdin Nafarroako aurrez aurreko beste hizkuntza eskolan, Tuteran: talde asko itxi dituzte eta irakasle bakarra du bertan euskara departamentuak.
"Ez dakigu zein irizpideren arabera hartzen dituzten halako erabakiak, ixten ari direlako ongi funtzionatzen duten taldeak, nahikoa ikasle dituztenak. Eta bestela ere, argudioa eskaera falta balitz ere, ezin da publikoa den hizkuntza eskola bat kudeatu enpresa pribatua bailitzan. Euskara hemengo hizkuntza da, baina ez dakit beraiek oso argi duten hori, akaso hori da funtsa", kritikatu du Gelabertek.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]