Euskal Herriko hamar jantoki kolektibotara hedatu da aurten Errigora
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.
Sei ikastola, hiru eskola publiko eta industria kooperatiba bateko jantokietan egin dute lehenik proba. Nafarroako olioa, arroza, lekaleak, piperrak, tomatea, pasta eta zainzuriak baliatu dituzte bertan otorduak prestatzeko.
Horri esker Euskal Herriko zonalde desberdinak eta Nafarroa erdialde eta hegoaldearen arteko harreman egonkor eta iraunkorrak egituratzen ari direla adierazi du Errigorak. Bestalde, proiektu honek bitartekaritza ez-espekulatiboko eredu bat eta bestelako ekoizpen-ereduei begirako urratsak sustatzeko ere balioko duela azpimarratu du.
2021-2022 ikasturtean Lekeitioko Azkue, Leioako Betiko, Toloskao Laskorain, Villabonako Zubimusu eta Oreretako Ikastola ikastoletan, Markinako Bekobenta, Gernikako Allende eta Larrabetzuko eskoletan eta Aretxabaletako Fagor-Ederlanen abiatu duten proiektuaren ildoa garatu eta zabaldu nahi du datozen urteetan Errigorak.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]