Eskolako patioan musukoa erabiltzearen aurka protesta egin dute ikastetxe ugaritan

  • Argazki ugari utzi ditu astelehen honetako deialdiak (ikusi behean): Hego Euskal Herriko hainbat ikastetxetako atarian bildu dira ikasle, senide eta hezitzaileak, Lehen Hezkuntzako haurrak eskola eremuko kanpo-espazioetan eta soin-heziketako ikastorduetan musukoa eramatera derrigortuta daudela salatzeko. "Lehen Hezkuntzako haurrei gainontzeko pertsona guztiei onartzen zaizkien eskubideak onartzea" eskatu du protestaren deitzaile Haurrak Ere Bai plataformak.


2021eko urriaren 19an - 13:23
Azken eguneraketa: 15:29

Hezkuntza komunitateko eragile ugari ildo berean mintzatu dira azken egunotan: zentzugabea ikusten dute 6-12 urteko haurrek musukoa eraman behar izatea eskolako kanpo-espazioetan, zer eta ikastetxetik kanpo ez eurek (ez gainerakook) halakorik bete behar ez dugunean aire zabalean. Ildo berean mintzatu zen lehengo astean Ikastolen Elkartea: "Txertorik jarri ez zaien kolektibo bakarra izateak ez du justifikatzen neurri horri eustea, gainerako guneetan ez badute derrigorrezkoa musukoa erabiltzea".

Guraso ugarik eskaera bera luzatu diote gutunez Jokin Bildarratz Eusko Jaurlaritzako Hezkuntza sailburuari, musukoa patioan neurriz kanpokoa eta diskriminatzailea dela iritzita. Neurria malgutzeko eskatuz 7.000 sinadura bildu dituzte denera.

Elizondo, Oñati, Irun, Gasteiz, Busturia…

Haurrak ere Bai plataformak txoko ugaritatik jaso ditu argazkiak, deialdiak izan duen oihartzunaren lekuko. Gutxienez honako herri eta ikastetxeetan egin dituzte elkarretaratzeak, plataformak emandako informazioaren arabera: Berriatua, Elizondo, San Andres Ikastetxea, Lezo, Segura (Laiotz) San Martin Agirre, Elatzeta eskola, Uzturpe ikastola, Gasteiz (Aita Orbiso ikastetxea), Lizartza, Ataun (Joxe Miel Barandiaran eskola), Hernani (Langile ikastola), Tolosa (Laskorain ikastola), Natxitua (Ea), Haizeder, Labiaga ikastola, Algorta (San nikolas), Ondarroa (Zaldupe), Deba, Oñati, Lekeitio, Bilbao (Tiboli alde zaharra), Gares, Etxalar (Landagain eskola), Iruñea (Hegoalde ikastola), Donostia (Orixe ikastola, Ibai ikastola, Intxaurrondo), Martutene (Arantzazuko ama), Egia (Aitor ikastola), Irun (Toki Alai, Eguzkitza, Leka Enea, Txingudi), Lasarte (Landaberriko ikastola), Elorri, Oiartzun (Haurtzaro ikastola, elizalde eskola), Busturia, Bermeo, Igeldo, Araia, Ezkio Itsaso, Urdaneta, Gasteizko Samaniego, Aramaio.

Argazkiak: Haurrak Ere Bai, @ezeizainhoa eta @ixoaroma

 


Kanal honetatik interesatuko zaizu: Hezkuntza
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Eguneraketa berriak daude