Eskola jantokietan bertako produktuen kontsumoa exijitzeko kanpaina abian
Berton Bertokoa bataiatu dute egitasmoa. Eskola jantokietan bertako produktuen kontsumoa bultzatu nahi du guraso-talde batek Durangaldean; eskualdeko herri eskola eta eskola publikoetan eskaintzen den jakien kalitatea hobetzea da beren asmoa.
2015-2016 ikasturtearen hasieran sortu zuten ekimena, Durangaldeko haurrek eskola jantokietan jaten zutenaren kalitateaz kezkatuta. Produktuak “nola erein diren eta zer nolako ongarri eta zaintza izan duten ziurtatu beharra dago elikadura osasuntsu bat izateko”, diote. Elikaduraren garrantzia nabarmendu dute, “haurrak ondo hazi eta garatzeko”.
Lehen urratsa emana dute. Manifestu bat sortu du Berton Bertokoa elkarteak, zenbait eskakizunekin. Jantokietan eskaintzen diren jakiak sasoian sasoikoak izatea eta berezko propietateak gal ez ditzaten bertan prestatzea galdegin dute, besteak beste.
Kanpora begira
Egitasmoaren helburuak ez dira barnera begirakoak soilik. Baserrietako ekonomia eta ingurumenari ere onuragarri izan dakiekeela iritzi dute: “Kontsumitzeko modu horrek jasangarritasuna du ardatz, nutrizioan, baserrietako ekonomian eta ingurugiroan oinarritzen da”.
Manifestua eskualdeko eskoletan ez ezik, gizartean zabaltzea da bultzatzaileen xedea. Beste eragileen atxikimendua ere bilatuko dute, beren eskakizunaren eragin esparrua hedatu nahian. Oraingoz zazpi ikastetxetako guraso elkarteen babesa lortu dute: Zabalarra (Durango), Landako (Durango), Traña-Matiena (Abadiño), Zelaieta (Abadiño), Maiztegi (Iurreta), Atxondo eta Elorrio.
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.