Errektoreak euskarazko murgiltze eredua onartu du hiru eskolatan, baina soilik lehen urtearentzat
Herriko eskolan euskarazko murgiltze eredua garatzeko eskarari dagokionez, erantzun ofizialik ez dutela jaso deitoratu dute Ortzaize, Arrosa, Aiherra, Larraine eta Idauze-Mendiko auzapezek. Bordaleko Akademiako errektoretzak zabaldutakoari prentsa-agiriari segi, Larraineko eskolaren eskaerari ez diote baikorki erantzun.
Prentsaurrekoa eskaini zuten atzo, abuztuaren 31n, Ortzaize, Arrosa, Aiherra, Larraine eta Idauze-Mendiko auzapezek, mezu argia zabaltzeko: "Murgiltze eredua eskaintzeko eskaerari buruz ez dugu oraindik erantzun ofizialik ukan, baina argi ukan dezatela borroka hau irabazteko motibatuak eta determinatuak garela". Prentsaurrekoaren bezperan zabaldu zuen Bordaleko Akademiako errektoretzak agiria komunikabideei, jakinaraziz Ortzaize-Arrosako, Aiherrako eta Idauze-Mendiko eskoletan murgiltze eredua irekitzea onartzen duela. Hala eta guztiz ere, ez du herriek galdetzen dutena onartu: ama eskolako hiru urteentzat luzaturik zuten eskaera eta bakarrik lehen urtearentzat onartu du murgiltze eredua.
Gainera, erantzun ofizialik ez dutela salatu dute auzapezek. Hori horrela, murgiltze ereduan hasiko dute ostegunean abiatzen den ikasturte berria. Irailaren 6an izanen dute irakasleen postu banaketa finkatzeko bilera ofiziala eta berantenik orduan ukan behar lukete erantzuna.
Murgiltze eredua lau eskolek lortu arte borrokan
Haatik, Larraineren eskaerari ez zaio baikorki erantzun. Haserre baina euskarazko murgiltze eredua eskaintzeko determinazioarekin agertu da Jean-Dominique Iriart Larraineko auzapeza: "Frantsesezko murgiltzea bideratzeko ez zuen inolako arazorik ukan Frantziak! Harrigarria da lekuko hizkuntzei buruz duen jarrera. Noizpait erreparazio historikoa ere bideratu beharko digu Frantziak". Errektoretzako gutunean irakurri daitekeenari segi, Larraineko kasuak "galdera bereziak" dauzka eta bere horretan ezinezkoa zaie baimena bideratzea. Eskola ttipia izanki, maila guztiak batzen dituen klase bakarra du herriak eta hori horrela, Hezkuntza ministeritzaren arabera murgiltzean ez diren klaseetan frantsesaren presentzia ez litzateke segurtaturik.
Konstituzio Kontseiluaren epaiaren itzala
Ostegunean hasiko da ikasturte berria. Oroit gara maiatzaren 21ean Frantziako Konstituzio Kontseiluak ezeztatu zituela Molac Legearen bi artikulu, tartean, murgiltze eredua lekuko hizkuntzan bideratzeko aukera –Konstituzioaren kontra doala ondorioztaturik–. Frantziako Gobernuak jakitera eman zuen aurtengo eskola sartzea orain arte bezala abiatzen ahalko dela. Larraine, Idauze-Mendi eta Ortzaize-Arrosako eskola publikoek eta Aiherrako eskola pribatuak murgiltze eredua garatzeko eskaera luzatu zuten iaz, behin baino gehiagotan mobilizatuz horren alde.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]