Ernairen gutuna Euskal Preso Politikoei

Gazteok zuekin gaude!

  • Kaixo adiskideak:

    Zer moduz hasi duzue negu hurbila? Guk, zuek ongi dakizuen bezala: lan eta lan. Zuetako asko bahiturik zeundeten Ernai sortu zenerako. Gehienok ez gaituzue zuzenean ezagutzen eta gutxi batzuek baino ez dugu zuek ezagutzeko aukera izan. Denek izango zenuten prentsan gure nondik norakoen berririk. Ehundaka kilometrok banantzen gaituzte, barrote hotzek edo hatz markez zikindutako kristalek. Hala ere, eta zuetako asko ezagutzeko aukerarik izan ez dugun arren, zuekin Euskal Preso, Iheslari eta Deportatu Politikoen inguruan lan egin eta zuekin konpartitzeko bezain besteko ardura, konfidantza eta gertutasuna sentitzen dugu.

Ernai Antolakundea @ernaigazte
2019ko urtarrilaren 08a

Gutariko asko bidean topatu ez bagara ere, bide berean eta norantza berean gabiltza. Bagenekien azkeneko eztabaidatik irekitako bidea ez zela erraza izango, orainartekoa izan ez den bezala. Gainera, aurkako azken erresoluzio judizialaren ondoren, bidean geroz eta harri eta oztopo gehiago aurki ditzakegu, baina aurre egingo diegu guztiei; animo beroenak zuentzat! Lanean jarraituko dugu, oztopo bakoitza lanerako gogo biziago batez ordezkatzen dugulako, indartsu jarraituko dugu aurrera.

Egunerokotasuneko koiunturak markatzen dituen erritmo zorrotzetatik at doa ordea guk hartutako konpromezua. Ibilbide gorabeheratsu honetako poztasun eta tristuretatik haratago doa gure borroka. Preso, iheslari eta deportatu politikorik gabeko Euskal Herriarekin egiten dugu amets eta zerumuga hori eskuratu arte gure hondar alea jartzen jarraituko dugu. Argi dugu inoiz aske izango bagara, barrote arteko lagun eta burkiderik gabeko Herri batean izango garela aske. Horregatik, zuek guztiak etxean zaudeten agertokia eskuartean izan arte ez dugu amore emango. Hori lortzeko bideorriari ekitearen beharra lau haizetara zabalduko dugu. Zuen egoera, salbuespen egoera eta espetxe kriminala gogor salatzearekin batera.

Mundu ikuskera batek, balore batzuek eta borrokatzen dugun proiektu politikoak batzen gaituzte. Kilometroak baino indartsuagoak dira horiek guztiak. Eta horregatik diogu Gazteok Zuekin. Gazteok zuekin gaudelako, zuek abiatutako bidean gaudelako eta zuek helburu zenuten zerumuga bererantz goazelako. Independentzia, Sozialismoa eta Feminismoa lortu artean, eta preso, iheslari eta deportatu politiko guztiak etxean izan arte jarraituko diogulako behin hasitako bide horri.

Zuetako asko izango zineten Gazte Antolakundeko kide. Jarrai, Haika, Gazteriak eta Segi. 40 urteko borrokak zakukada bizipen eta ondare ezin oparoaogoa utzi digu. Guzti hori biltzeko asmoz heldu diogu ‘Bulkada Berrian Garaia Da!‘ dinamikari; iragana presente, oraina borrokatuz, etorkizuna irabazteko. Herriz herri eta auzoz auzo belaunaldi eta antolakunde ezberdinetako militanteak biltzen gabiltza, bidea ezagutzeaz gain elkar ezagutzea ere garrantzitsua dela iruditzen zaigulako. Herrietan bulkada ezberdinak biltzeaz gain, herrietako Bulkada Egunak ere ari gara antolatzen. Baita liburu zuriak idazten ere; zuetako batzuei, agian jada eskatu dizuete zuen herriko libururen zatiren bat idazteko. Guztion bizipen eta esperientziekin herri bakoitzak bere historia idatziko du gazte antolakundearen baitan: anekdotak, sentimenduak, borrokak, eztabaidak, haserreak eta pozak… Eta horietan, zuen presentzia ezinbestekoa izango da. Bidea hasi zenutelako eta gurekin, bidean jarraitzen duzuelako.

Udaberrian loratzen omen dira loreak, eta gurean aurtengoan lore berezi bat loratuko da. 40. urteurrenarekin loturik Gazte Topagune erraldoia antolatzen baikabiltza. Zuetako asko egongo zineten batean edo bestean… gogoan dituzue Elorrio, Lezo, Kanbo, Etxarri? Bada aurtengoa ere berezia izango da: Lemoan. Auzolan erraldoiean antolatuko dugu inoizko bereziena eta ederrena izango delako eta egitaraua ere ezin oparoagoa da. “Askatasun bulkadak independentziara!” izango da leloa eta bulkada ezberdinen topaleku izateaz gain, bidea jorratzen jarraitzeko tresna izango da. Zuek ere izango duzue zuen lekua Topagunean, noski. Gurekin sumatuko zaituztegu montajean hankak lokatzez zikintzean, mahainguruetako eztabaida amaigabeetan, kontzertuen artean topa egitean eta baita ekitaldietan gorputza hotzikarak zeharkatu eta indarrak biltzean ere. Zuekin gaude.

Gure aurtengo beste erronka nagusienetako bat, prekarietatea eta esplotazioari aurre egin eta borroka horretan sendotzea da. Analisi orokorra egitetik abitu ginen, problematika eta alternatiba lokalak lantzen gabiltza orain eta otsailean lehen mobilizazio nazionalaren ondoren Euskal Herri osoan zehar antolatuko ditugu martxak. Zuetako gehienok ere, gogotik lan eta borrokatu duzue prekarietatearen aurrean, aurtengoan ere gurekin batera nahi zintuzkegu kalean edo herrian lanean.

Gutun bakarrean ez da sartzen esan nahi dugun guztia, ez maitasun eta elkartasun guztia ere. Baina, apur bat gertuago sentitzen gaituzuelakoan gaude horrela; gertuago gaudelakoan. Zuek konpromezua hartua duzuen bezala, guk ere zuekiko hartua baitugu; beraz, bisitak eskatzeko, gutunak elkartrukatzeko, handik eta hemendik lan egiteko… konpromezuan berresten gara.

Sarritan entzun dugu gazteok ez gaudela inon, ez gabiltzala ezertan. Ez da hala ordea, eta zuek etxeratzeko bidean ere lanean gabiltza; euskal preso, iheslari eta deportaturik gabeko zerumugarekin amesten dugulako darraigu lanean. Begien parean dugu hori borrokatzeko hurrengo hitzordua: Urtarrilak 12an Bilbon eta Baionan. Orain delako garaia, borrokatzeko garaia eta zuek guztiok etxera ekartzekoa. Horregatik, gazteok bertan egongo gara, Bilbo eta Baionako kaleak beteko ditugu gurekin nahi eta behar zaituztegulako. Bulkada berrien garaia delako, baina bulkada guztiak direlako beharrezko Herria askatzeko borroka honetan. Horregatik, zuek hortik eta guk hemendik lanean jarraituko dugu; borrokak merezi duelako. Behar zaituztegulako, maite zaituztegulako, gazteok zuekin gaude.

Jaso borrokarako indarrez betetako besarkada goxo bana.

Maite zaituztegu!

 

Ernai Gazte Antolakundea, 2019ko urtarrila

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Euskal preso politikoak  |  Ernai

Iritzia kanaletik interesatuko zaizu...
Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


Idiozia

Atzerapen mental sakona adierazten du idioziak, gaixotasun mentala, alegia. Idiotak ez du gaitasun psikiko edo intelektualik. Gaiztoek badute, ostera, gaitasun psikiko eta mentala. Eta espainiarrek ere bai, salbu eta monarkiaren buru den errege bobolioak. Zitalkeria pertsonen ezaugarri intrintsekoa da eta Espainiako monarkiaren burua zitala eta idiota da, egindako baieztapenen arabera: “Ez da onargarria ustezko demokrazia bat aipatzea Zuzenbidearen gainetik. Izan ere, legeak errespetatu... [+]


Kapitalismo morerik ez, eskerrik asko

Ikusi dugu lehenago. Ekologismoa da adibide paradigmatikoa. Halaber, pink washing-a edo gaypitalismoa. Merkatuak gure borrokak irentsi, digeritu eta gorotz moduan produktu kapitalista bat iraizten digu, salmentarako prest, sistemari funtzionala egiten zaiona.
Hedabideek soldatari, goi-mailako enpresari eta politikariei, emakumezkoen futbol taldeei, zientzialari edota artista famatuei erreparatzen diete. Euskal Herrian greba feministaren antolakuntzan ibili direnek aldiz, migrazioa,... [+]


Greben hari morea

Ekonomia ikastean ez dut inoiz greba kontzeptua ikusi, nahiz eta hauen arteko lotura erabat zuzena izan. Arrazoia agerikoa da: botere ekonomikoak definitzen du zer den ekonomia. Emakumeek egindako grebatan ikusezintasuna bikoitza da, analisia gizonen eta kapitalaren betaurrekoekin egiten delako. Tarte hau baliatu nahi dut gurean egindako batzuk gogorarazteko.

1889 urtean Bilboko Santutxu auzoan lantegi gutxi batzuk zeuden. Horien artean, txakolindegiren bat eta zigarroak egiteko lantegi bat... [+]


2019-03-24 | Santi LeonÚ
GAIZKI ERRANKA
Gutuna Olentzerori

Aurten badakit zer eskatu Olentzerori, baina, martxoan egonda ere, uste dut berandu nabilela. Hauexek, nire eskaerak: aldaketaren aldeko alderdien partetik, erabakiak hartzeko ausardia handiagoa eta paktatzeko milikeria gutiago. Bai, asmatu duzue, eskuin unionistari kopiatu dizkiodan gauzak dira. Hirugarren eskaera bat ere ebatsi diot: Olentzero maitea, gure aldeko think tank bat nahi nuke.


2019-03-24 | Juan Mari Arregi
Pultsu soziala mantendu behar da

Eragile sozialen eta langile mugimenduaren historia, hala nola herriena eta jendarte osoarena, eztabaidaezina da, hemen eta mundu osoan: presioaren bidez soilik lortu dira eskubide sozial eta politikoak. Hau da, greba, elkarretaratze, manifestazio eta okupazioen bidez lortu dira, baita zenbaitetan borroka armatua tartean zela ere. Kasu horietan, pultsu politiko eta soziala mantendu da sistema kapitalista, patriarkal eta matxistaren aurrean. Honek etekinak baizik ez ditu nahi eta aldian aldiko... [+]


2019-03-21 | Eric Dicharry
Jupiter versus Janus

Poesia-errealitatea artifiziorik gabe errealitatera doa. Poetak Estatuaren ekipamenduak idazten ditu. Kaskoa: 800 euro. Defentsa bala jaurtitzailea : 650 euro. Defentsa bala: 30 euro. Gorputzaren babesa: 2.500 euro. Ezkutua: 350 euro. Borra teleskopikoa 70: euro. Granada lakrimogenoen jaurtitzailea: 2.500 euro. Borra Tonfa: 30 euro. Granada lakrimogenoa klasikoa: 15 euro. Granada lakrimogenoa GLI-F4 soinu efektuekin: 25 euro. Granada jaurtitzailea: 900 euro. Granada desinguratzerako: 20 euro.


Iraultza bolivartarra defendatzeko garaia da

20 urte bete dira Hugo Rafael Chávez Frías izeneko militar pobre eta mulato bat Gobernura iritsi eta Venezuelan garai berri bat hasi zenetik. Eta berarekin, ordurarte baztertuak zeuden miloika herritar hasi ziren herrialdearen gidaritza hartzen, bigarren independentziaranzko bidea egiten.


2019-03-20 | Topa Gaitezen
Oraina euskaratik eraikitzeko... Gazteok korrikan Plentziara!

Bi urtetik behin gertatu bezala, badator berriz ere Korrika gurera. Herri euskaldun batean amesten dugun gazteoi ezinbesteko zaigu ekimen hau gure buruan kokatzea, bi urterik behin bada ere, zentroan kokatzea. Ez zen nolanahiko apustua izan bere garaian ez. 1980an, aurreko urteetan taberna bateko mahai inguruan ernaltzen hasitako ideiari hasiera eman zitzaion; eta horrela, herri honen euskalduntzearen alde inoiz egindako ekimen handienetariko bat martxan jarri zen. Euskal Herriaren eraikuntzan... [+]


Azkenak
EGILEA
Eguneraketa berriak daude