Gasteizko Administrazioarekiko Auzietako epaitegiak baliogabetu edo nabarmen murriztu ditu iazko irailean Bilbon eta Gasteizen egindako protestetan parte hartu zuten 133 gazteri ezarritako isunak, guztira 290.500 eurokoak. Ernaik aurkeztutako helegiteei arrazoia emanez, epaiak Ertzaintzaren jarduna “ez egokia” izan zela ebatzi du, horien egiazkotasun printzipioa mugatu du eta manifestazio eskubidea “garatu eta babestu” du.