Poliziak asteartean atxiloturiko Kataluniako CDR (Errepublikaren Defentsarako Komiteak) taldeetako kidea libre utzi du Espainiako Auzitegi Nazionaleko Diego de Egea epaileak. Desordena publikoak egozten dizkio eta astero aurkeztu beharko da epailearen aurrean.
Zigor gogorrak ekar ziezazkiokeen "terrorismo" eta "matxinada" delituak albo batera utzi ditu Audientzia Nazionalak, Guardia Zibilak eta fiskalak CDRetako kideari egozten ziotenaren kontrara. Viladecanseko Tamara Carrascori, hala ere, herritik ateratzea debekatu dio eta epaile baten aurrean astero aurkeztu beharko du, desordena publikoengatik auzipetua jarraitzen baitu.
Fiskaltzaren arabera desobedientzia zibileko ekintzaileak "koordinazio" lanak egin zituen "sabotaiak" eta "biolentzia ekintzak" burutzeko "Estatuarekiko konfrontazioa erakusteko", horretarako baina, froga gisara sarean zabalduriko audio bat besterik ez du aurkeztu, ustez CDRek Aste Santuan egingo zituzten ekintzak azaltzen omen dituena. Epaileak ordea ez du halakorik ikusi eta libre utzi du. Nolanahi ere, beste pertsona baten kontrako atxilotze agindua eman du ikerketa horrekin zerikusia izan dezakeelakoan.
LLarenak ez dio utziko Sánchezi Kataluniako Parlamentuan izaten ostiralean
Kataluniak eta Espainiako Estatuak duten gatazkaren erdian, Jordi Sánchez Kataluniako lehendakari izateko hautagaiari ez dio utziko azkenean Pablo Llarena Espainiako Auzitegi Goreneko magistratuak Kataluniako Parlamentuan ostiralean egingo den inbestidura saioan fisikoki izaten. Bere esanetan "delitua berriz egiteko" arriskua eduki dezake Sánchezek.
Magistratuak ez du agindu zehatzik ikusten NBEko Giza Eskubideen Batzordeak gai horren inguruan martxoan kaleratutako komunikatuan. Honetan, naizoarteko erakundeak hautagaiaren eskubide politikoak urra ez zitezen kautelazko neurriak hartzeko eskatzen zion Espainiari.
La Directak argitara emandako Ezker Independentistako eta CDRetako 38 militanteren espioitza masiboa zertan den argitu asmoz, errepresioaren aurkako Alerta Solidària antolakundeak Espainiako Auzitegi Nazionalera jo du. Pertsonatze idazkia aurkeztu du, espioitza... [+]
Espainiako Barne Ministerioak Ezker Independentistako eta CDRetako 38 militante zelatatu dituela jakinarazi zuen urriaren 10ean Directak. Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu,... [+]
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko... [+]
El Confidencial egunkariak argitaratu ditu akusazioaren idatziko edukiak. Erakunde terroristako kide izateaz gain lehergaiak egitea eta gordetzea ere egozten diete 2019ko irailean atxilotutako CDRetako bederatzi kideei.
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]