Claudia Sheinbaum Mexiko Hiriko gobernuburuak esan du “feminizidio kasuen etengabeko igoerak” eragin duela larrialdi egoera hau ezartzea.
Emakumeen aurkako indarkeria matxistari aurre egiteko, larrialdi egoera ezarri du Mexiko Hiriko Gobernuak. Claudia Sheinbaum gobernuburuak adierazi du erasotzaileen zerrenda publiko egingo dela, eta emakumeen aurkako jazarpen eta eraso digitala arautuko duen Olimpia Legea indarrean jarriko dutela.
Horrez, gain emakumeei babesa eskaintzeko asmoz, “Seguru Ibili” deituriko ibilbideak egingo dituela azaldu du gobernuburuak. Mexiko Hiriko lehen emakumezko gobernuburuak esan du neurri hauek ezarri dituela, “arazoa gehiago ezkutatu ahala, konpontzeko zailagoa” izango delakoan.
Biktimen kopuruak, gora
Gutxienez 50 emakume erail dituzte aurten Mexiko Hiriko Estatuan, nahiz eta zenbaki hori dena baino handiagoa izan daitekeen. Mexikon hamar emakume erailtzen dituzte egunero.
Sheinbaumek protesten gorakadari erantzun behar izan dio. Izan ere, herrialdean ezaguna bilakatu zen lau poliziak emakume bati egindako eraso matxistarekin, ukatu egin zuen ostegunean aldarrikatutako neurria. Aldiz, larrialdia ezarri duenean adierazi du “errealitateari aurre egin” behar diola, eta “emakume bezala, hiritar emakumeen haserrea, desadostasuna eta inpotentzia partekatzen” dituela esan zuen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]