Elkartasuna biderkatuko du Errigoraren aurtengo ekimenak

  • Nafar hegoaldeko uzta euskarari puzka kanpaina egingo dute urriaren 24tik azaroaren 12ra, eta urtero bezala, auzolanari esker, hauen balioaren %25 zonaldeko euskalgintzara bideratuko da. Aurten aldiz, elkartasuna are handiagoa izanen dute: AEK, Seaska eta Sortzen egiturak lagunduko dituzte diruz.


2020ko urriaren 20an - 12:08

"Pandemiak eragindako nahas-mahasari elkartasun handiagoz erantzuteko proposamena egingo diogu Euskal Herriari" mezua luzatu dute Errigora-ko ordezkariek. Nafar hegoaldeko uzta euskarari puzka kanpaina egingo dute urriaren 24tik azaroaren 12ra, eta urtero bezala, auzolanari esker, hauen balioaren %25 zonaldeko euskalgintzara bideratuko da. Aurten aldiz, elkartasuna are handiagoa izanen dute: AEK, Seaska eta Sortzen egiturak lagunduko dituzte diruz.

Zehazkiago, horra nola antolaturik duten elkartasuna: "saski beltza" (50 eurokoa) eskatzekotan, aparteko 5€ko ekarpena egingo du eskatzaileak, trukean Korrikaren katilua jasotzeko eta AEKri diru hori zuzenean bideratzeko, Korrika ez egiteak eragingo dion diru-galera arintzen laguntzeko; "saski berdea" (60 eurokoa) eskatzekotan, aparteko 5€ko ekarpena egingo da, trukean Seaskaren egutegia jasotzeko eta Seaskari diru hori zuzenean bideratzeko, Herri Urrats ez egiteak eragin dion diru-galera arintzen laguntzeko eta "saski zuria" (70 eurokoa) eskatzekotan, aparteko 5€ko ekarpena egingo da, trukean D ereduaren haziak jasotzeko eta Sortzeni diru hori zuzenean bideratzeko, urteroko jaia ez egiteak eragin dion diru-galera arintzen laguntzeko.

"Egiten duguna gara"

"Euskara plazan nahi duen orori kanpaina honetan parte hartzeko deia egin nahi diogu. Sinplea da: izan dadin nahi genukeena guk geuk egiteko gonbidapena luzatzen dugu. Aurtengo kanpainarako hautatu dugun leloak dioen bezala, egiten duguna gara". Mezu hau luzatu dute urriaren 20 honetan Donostian egindako prentsaurrekoan.

Antolatzaileek oroitarazi dutenez, "boluntarioen sare handi bat" dago ekimenaren gibelean, "ehunka herritan, informazioa zabaltzen, eskariak jasotzen eta saskiak banatzen aritzen dena". Era berean, AEKren, Ikastolen, Sortzenen eta Errigoraren arteko elkarlanaren emaitza  ere da kanpaina. Ondorioztaturiko diru-ekarpena Tuterako, Lodosako eta Vianako ikastolei, Erriberako AEKri eta Sortzenek zonaldean dituen proiektuei bideratzen zaie.


Kanal honetatik interesatuko zaizu: Errigora
'Eutsi geureari' goiburuarekin abiatu da Errigoraren udaberriko kanpaina

Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari'  izeneko kanpaina abiarazi zuten atzo eta martxoaren 13ra arte aukera dago saski horietako... [+]


14.000 saskitik gora saldu ditu Errigorak, eta 185.000 euro bideratuko ditu euskalgintzara

Hamar urte dira saskiekin hasi zirela eta bi milioi euro bildu dituzte guztira.

 


Errigora, hamar urte euskarari puzka

50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.


Ludoteka euskaldunak Nafarroa erdi eta hegoaldean, aisialdian ere haurrak euskaraz aritu ahal izateko

Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]


Suteei aurre egiteko, auzolana eta elkar-laguntza

Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]


Eguneraketa berriak daude