BBCk honela jarri dio izenburua: Koronabirusa Ekuadorren, Guayaquilgo drama, herrialde ugarik baino hildako gehiago dituen hiria, eta hileta duinak egiteko erlojuaren aurkako borroka. Bertan kontatu dute hileta zerbitzua kolapsatuta dagoela covid19 krisiagatik. Senide bat etxean hil dela jakinarazi eta hiru egunean inor bila ez dela joan salatu du artikuluan Jesica Castañeda herritarrak.

Hirian 2,3 milioi pertsona bizi dira eta bertan hil da herrialdeko gaitzaren iturri nagusia da.

Herritarrak salaketa gogorrak egiten ari dira, azpiko bideoan ikus daitekeenez.

Democracy Now hedabidean irakur daiteke kalean edo eraikin hutsetan plastikozko poltsetan bilduta deskonposatzen utzita hainbat gorpu agertu direla, ospitaleak gainezka baitaude han ere eta hiriko gorputegia beteta. Ofizialki, Ekuadorrek Brasilen ondoren Hego Amerikako koronabirus kasu gehien du: 120 hildako eta 3.163 positibo. Hala ere, Guayaquilen agintariek diote 400 gorpu baino gehiago berreskuratu dituztela azken egunotan.