Egoera kezkagarria dela adierazi du Urkulluk, baina ez dituzte neurriak gogortuko
Labiren batzorde teknikoak bilera izan du astearte goizean, EAEko egoera epidemiologikoa aztertzeko. Bileraren ostean, egoerak “kezkagarria izaten” jarraitzen duela adierazi du Iñigo Urkullu Eusko Jaurlaritzako lehendakariak, eta neurriek bere horretan segituko dutela. Indarrean dauden neurriak betetzeko eskatu du.
Urkulluren esanetan, indarrean dauden neurriak betetzea da “murrizketa berriak saihesteko biderik eraginkorrena”. Hurrengo asteko ostegunean bilduko da berriz ere Labi.
Kutsatuen kopurua, goraka
Gotzone Sagardui Osasun sailburua ere izan da bileran. Sailburuak onartu du egoera “oso kezkagarria” dela, COVID-19az kutsatutakoen kopuruak gora egiten jarraitzen duelako eta ospitaleetako presioa gero eta handiagoa delako EAEn.
Nola doa txertaketa?
Osasun sailburuaren hitzetan, txertoaren 558.098 dosi eman dituzte: EAEko biztanleen ia %18,75ek (412.658 pertsona) gutxienez lehenengo dosia jaso dute, eta %6,69k (147.219 pertsona) bi dosiak. “Kontua da txertoak eskuragarri egotea. Halakorik badago, administratzen jarraituko dugu ", adierazi du.
EAEra astelehenetik asteazkenera bitartean iristen ari diren Pfizer, Astrazeneca eta Jansenen dosiekin arrisku handiko pertsonak txertatzen jarraituko dela azaldu du. Alegia: transplantatutako pertsonak edo transplantatuak izateko itxaron-zerrendan daudenak; giltzurrun-tratamendua duten pertsonak, hemodialisia edo peritoneo-dialisia izan; minbizia duten herritarrak; immunoeskasia primarioak (GIB) dituzten pertsonak; down sindromea duten 40 urteko eta gehiagoko pertsonak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.