Emakumeak borrokan

EAEko eskola jantokietan ari diren enpresa pribatuetako langileak grebara doaz

  • Otsailaren 26an greba hasiko dutela iragarri dute eskola jantokietako enpresa pribatuetako langileek, Hezkuntza Saileko sukaldarien baldintza berberak exijituz. LAB, ELA, CCOO eta UGT sindikatuek egin dute greba deialdia.

ARGIA @argia
2019ko otsailaren 12a

Enpresa pribatuek kudeatzen dituzten eskola jangeletako langileek mobilizazioan ikusi dute beraien eskaerei bide emateko modua, eta “aho batez” erabaki grebari ekitea. Jakinarazi dutenez, behar izatera mobilizazioak areagotzeko prest daude.

LAB, ELA, CCOO eta UGT sindikatuetako ordezkariek Bilbon egin dute agerraldia, eta jakinarazi dutenez, azken bi urteetan hamabost aldiz bildu dira negoziazio mahaian. Alabaina, enpresen proposamena beraien eskaeratik oso urrun dagoela deritzote. Langileek Hezkuntza Saileko sukalde langileekin "homologazioa" eskatzen dute, baina patronalek planteatu dituzten aldarriak ez dituztela aintzat hartu salatu dute. Gehitu dutenez, indarrean den hitzarmeneko akordio batzuk ere “ukatzen” dabiltza enpresak.

 Homologazioaz gain, beste aldarrikapen batzuk ere azpimarratu dituzte: ratioak hobetu beharra edota gutxieneko lanaldiak finkatzea, besteak beste.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eskola jantokiak  |  EAE

Eskola jantokiak kanaletik interesatuko zaizu...
Azkenak
EGILEA
Eguneraketa berriak daude