Deskolonizatzeak badu bere grazia
Festa baten berri izaten dugunean normalena da galdetzea “zein da egitaraua?”, “zer antolatu dute?”, zer egongo da?”. Kartelari erreparatzen diogu. Ikuskizunari. Ohitu gara kartel indartsuak ikusten, punta-puntako taldeen kontzertuetara joaten. Eta horrelakorik ezean, komentario aski entzuna: “Aurtengo kartela eskasa da”. Baina inor gutxi aditzen da festa ereduaz hizketan. Egitarau ahalik eta sendoena bai, baina antolatzeko moduari, ditugun baliabideei edo kontsumituko diren janari-edariei erreparatuz.
Hori da ARGIAk bere 100. urteurren festan, urriaren 12an Donostian egingo duena. Zerbaitegatik jarri zaio Deskoloniza gaitezen izena. Egun aproposa tokatu da aldarrikatzeko herri honen deskolonizazioa. Baina zer herri eraikitzeko? Sistema kontsumista berdinean biziko den herria? Festa eredu kontsumistatik deskolonizatzeko aprobetxatu nahi du ARGIAk .
Kontsumitu buru pixka batekin
Jai herrikoi eta parte hartzailea izatea da helburua. Dena den, ez da asmoa inor gose-egarriak hiltzea eta egongo da aukerarik horretarako Trinitate plazako txosnan. Bi garagardo egongo dira aukeran. Baina ez, ez da bata artisaua eta bestea komertziala izango. Pagoa eta Otsaihen artisau garagardoak egongo dira aukeran, biak Euskal Herrian ekoitzitakoak. Ardoa, berriz, Candido Besa Arabar Errioxako upategitik ekarritakoa izango da, zuria eta beltza, biak ekologikoak. Ura nahi duenak, zer hoberik iturrikoa baino? Zortzi iturriko aska egongo da prestatuta Trinitate plazan eta ez, ez da ur botilarik egongo. Bazkarirako ARGIAk Saizar sagardotegiko barrika, mahaiak eta aulkiak jarriko ditu, eta jatekoa norberak ekartzea aurreikusten da.
Egun horretan erabiliko den argindarra Goiener enpresak hornituko du. Eta egun osoan ARGIAren Azoka zabalik egongo da Trinitate plazan: azken aldian atera ditugun liburu, kamiseta eta jolasak erosteko aukera egongo da. Eta baita ARGIA Jendearentzat "musu truk" direnak ere. Beraz, inork ARGIA komunitateari zerbait eman nahi badio, eraman dezala Trinitate plazan egongo den ARGIAren mahaira. Hori bai, ez da altzariak edo etxetresnak emateko eguna; mesedez, poltsatxo batean garraiatzeko moduko gauzak behar dute izan oraingoan: baratzean gainezka ditugun horiek, armairuan jantzi gabe denbora gehitxo daraman beste arropa hori...
Deskolonizatzeak badirudi baduela bere grazia. Saiatuko gara urriaren 12an?
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Bidaia hau hasi nuenean, ikuspuntu erromantikoz imajinatzen nituen baso jangarriak: zuhaitz artean ibili, fruitu goxoak dastatu, loreak usaindu... baina baso jangarriek badituzte arantza ugari ere, porrotak, erratak... Gaur, ikasketa politak eskaini dizkidaten porrot horietako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Eli Pagolak Egonarria saioan egin dion elkarrizketan, hizkuntza arruntean eta... [+]