Duela bi aste Uriarte EAEko Gobernu berritik at geratu zela bazirudien ere, Iñigo Urkulluren lehendakaritzarako aholkularitza funtzioa beteko duela argitaratu berri dute Eusko Jaurlaritzako aldizkari ofizialean. Dena den, oraindik ez dute xehetasun gehiago eman Uriartek hemendik aurrera beteko duen aholkularitza lanaz.

Urkulluren gidaritzapeko Eusko Jaurlaritza berriaren kargudunen zerrendan Uriarte eta Murgaren izenak falta zirela jakinarazi zenean, hainbat zalantza piztu ziren, tartean, Lehendakaritzak ez ote zuen COVID-19aren krisiaren aurrean sailetako erantzuleen “depurazio” ariketa egin.