Bultza kazetaritza independentea
Ikerketa iturrien arabera, sexu esplotaziorako eta droga trafikorako joan den asteazkenean Bizkaian desegindako sareak, emakumeak baldintza "oso txarretan" bizitzera behartzen zituzten. Kontrolaturik zeuden une oro eta egunean ordubetez bakarrik atera zitezkeen esplotatzeko erabiltzen zituzten etxetik. Eguneko 24 orduetan eta asteko zazpi egunetan, bezeroak onartzea behartzen zituzten.
Sexu esplotaziorako eta droga trafikorako sare bat desegin du Guardia Zibilak pasa den asteazkenean Bizkaian. Emakumeak jatorrizko herrialdeetan hartu eta Bizkaira eramaten zituzten. Drogak hartzera eta prostituitzera behartzen zituzten, euren borondatearen kontra.
Joan den astean, Alipar izeneko polizia-operazioa egin zuten Barakaldon, Bilbon eta Fruizen. Gertaerak salatu zituen lekuko babestu baten ondorioz hasi zen ikerketa. Zazpi pertsona atxilotu eta hainbat jatorritako hamahiru emakume erreskatatu zituzten. 35.000 euro baino gehiago aurkitu zituzten eskudirutan. Baita kokaina, marihuana, mugikorrak, ordenagailuak, grabagailuak, sildenafilo eta amoxizilina pilulak eta dokumentazio ugari ere, EITBn jaso dutenez.
Polizia iturriek azaldu dutenez, biktimek zituzten baldintzak "oso txarrak eta osasungaitzak" ziren. Emakumeak sareko kideek kontrolatzen zituzten eta egunean ordubete bakarrik atera zitezkeen. Era berean, eguneko 24 orduetan eta asteko zazpi egunetan, bezeroak onartzera behartzen zituzten. "Festak" ere antolatzen zituzten, biktimak kokaina kontsumitzera behartu eta bezeroen eskariak onartzeko.
Atxilotuei zenbait delitu egozten zaizkie: gizakien salerosketa, prostituzioa eta sexu esplotazioa, osasun publikoaren aurkakoa, kapital zuritzea, erakunde kriminaleko kide izatea eta atzerritarren eskubideen aurkakoa.
Sexu esplotaziorako sarearen funtzionamendua
Ikertzen jarraitu duten agenteek egiaztatu ahal izan dute erakundea gutxienez 2017. urtearen hasieratik existitzen dela, eta hainbat herrialdetako biktimak kontrolatu ahal izan dituztela. Batez ere, Paraguai eta Kolonbiakoak izan dira biktimak. Emakumeen zaurgarritasun egoeraz aprobetxatzen ziren, eta etorkizun handiko bizitza eta lan baldintzak eskaintzen zizkieten.
Europako hainbat herrialdetan eskala bat baino gehiago egin ondoren, Bizkaira iristen ziren. Han ematen zieten benetako lan egoeraren berri eta prostituzioan sartzera behartzen zituzten. Sexu esplotazioko sarearen lidergoa emakume batek zuen, eta beste bost emakumek eta gizon batek eginkizun desberdinak zituzten.
Beharbada haur txikiak dituzuenok ezagutuko duzue Haur Hezkuntzan gelaren baitan ematen den txokoen dinamika. Bertan haurrak leku batetik bestera mugitu daitezke, esplorazio, esperimentazio, ikasketa eta partekatze etengabeko dinamika batean. Txokoek gai, material, tresna... [+]
Hezkuntza aurkezten dugu jendarte eraldaketarako ezinbesteko moduan. Etorkizuneko jendartea eraikiko duten haur eta gazteek (oraina eta etorkizuna eraldatzea helduon esku egongo ez balitz bezala...) pentsamendu, jarrera eta ekintza zapaltzaileetatik urrundu eta harreman... [+]
Patera batean Iberiar penintsulara iritsi ondoren, Iruñera etorri zen duela urte eta erdi. Iturgintza ikasten ari da eta Paris 365 jantoki sozialak abian jarritako futbol taldeko kidea da. Zenbait erabiltzailek osatutako talde honetan harreman eta adiskidantza sareak... [+]
Aurreko hilabetetik hona hirigintzako kontzeptu bat eztabaida publikoan sartu da: 15 minututako hiria. Batzuek susmoa zabaldu dute gertutasuna eta ongizatea bultzatzen duen hiri idilikoaren atzean itxialdi-egitura bat ezkutatzen dela, helburua gure bizimodua ghetto guneetan eta... [+]
