Bilboko metroko langileak seigarren egunez ari dira lanuztea egiten, hitzarmen kolektiboa desblokeatzea xede
Asteazken goizeko 06:30etatik 09:30etara lanuztea egin dute, eta arratsaldean bigarren lanuztea egingo dute beste hiru orduz, 18:30etatik 21:30etara. Planteamendu berari jarraituz, ostiralerako ere lanuzteak deitu dituzte CIM, ELA eta UGT sindikatuek. Helburua hitzarmen kolektiboa desblokeatzea da.
CIM Metroko Kolektibo Independentea sindikatuak, ELA eta UGTrekin batera, protesta abiatu zuten pasa den hilabetean. Ekainaren 29an abiatu zituzten lanuzteak Metro Bilbao enpresako langileek, eta hirugarren astez, lanuzteak ari dira burutzen. Asteazkena, hilak 13, lanuzteen seigarren eguna dute, eta goizeko 06:30etatik 09:30etara egin dute lehen etena. Arratsalderako ere deitu dute lanuztea, 18:30etatik 21:30etara.
Ostiralean, eskema bera errepikatuz, lanuzte gehiago egingo dituzte. Aurreikusitakoaren arabera, lanuzteek ez dute etenik izango irailaren 16a arte, egun horretarako baitute iragarria azken lanuztea; orotara 22 lanuzte egun finkatu dituzte. Etenak egin bitartean, gutxieneko zerbitzuak %30ean finkatu dituzte.
Hitzarmen kolektiboaren negoziaketen harira ari dira protestan metroko langileak. Enpresak negoziaketak blokatuta dituela salatu dute sindikatuek, "beti ere, langileen arteko talka sortzeko asmoz", ELAren arabera. Lanuzteekin negoziaketaren desblokeoa lortu nahi dute. Salatu dute Metro Bilbao murrizketak egiten ari dela, eta besteak beste langileek erosteko ahalmena galdu dutela eta enpresak ez dituela ordutegi eta txandak aldez aurretik zehazten, langileen kontziliazioaren kaltetan. Hala azpimarratu du ELAk: "Besteak beste, Metro Bilbaok elementu erregresiboak ezarri nahi dizkie behin-behineko langileei; ez du koefiziente murriztailearen galera konpentsatu nahi, plantillaren zati bat beranduago erretiratzera behartuz; lan egutegiak malguak dira eta langileei azken momentuan jakinarazten zaie zeintzuk izango diren euren lan txandak, kontziliazioaren kaltetan; langileei funtzioak berriak inposatu dizkiete, alde bakarrez; eta bezeroarentzako arreta okertu dute -gero eta ikuskatzaile gutxiago dago erabiltzaileak laguntzeko-, beti ere, herritarrei eskaintzen zaien zerbitzuaren kaltetan".
Lehen lanuzte egunaren ondotik, sindikatuek salatu dute enpresako zuzendaritza "lanuzteei buruzko datu manipulatuak helarazten ari dela, gutxieneko zerbitzuak sartzen baititu datu horietan", eta behin behineko langileek lanuzteak egin ez ditzaten "jarrera bortitza" izaten ari dela.
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
ELA sindikatuak salaketa penala aurkeztu du Amurrioko Instrukzio Epaitegian Guardian Europako lehendakariordearen eta gai juridikoetako arduradunaren aurka, Autoglas-Glavista enpresan izandako gertakariengatik.
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.