Donostiako erasoa igande gauean gertatu da, etxe batean. Erasotutako neska adingabeak astelehenean jarri du salaketa, eta Ertzaintzak 18 urteko gizona atxilotu du. Udaleko talde politikoek ohar bateratua helarazi dute. Erasoaren aurrean “gaitzespen irmoa” adierazi eta erasotuari “babesa eta elkartasuna” adierazi dizkiote. Asteazkenerako kontzentrazioa deitu du udalak.

Gasteizen erasoa astelehen gauean gertatu da. Erasotutako emakume gaztea familiarekin zegoen kaletik paseatzen 38 urteko gizonezko batek ukituak egin dizkionean. Erasoa leporatu zaionean ihes egiten saiatu da gizona, baina familiak eta inguruko pertsonek gerarazi dute udaltzaingoa ailegatu arte.