Bertso eta pilota zaleentzat saio berezia Zumarragan larunbatean
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan. Publikoak federazioak mendeurrena ospatzeko sortutako oroigarria jasoko du opari.
Pilota euskal kulturaren parte dela ulertuta antolatu du Gipuzkoako Euskal Pilota Federazioak bertso saio bat, bere 100. urteurrena ospatzeko ekitaldien artean. Gainera, bi munduen artean badela konexio natural bat iradoki du federazioak, saioa aurkezteko egindako prentsaurrekoan: "Asko dira bertsotan eta pilotan dihardutenak, eta asko dira bai pilota eta bai bertso munduko zaleak direnak". Horren guztiaren erakusle, apirilaren 12an Zumarragan bertso saioa osatuko duten bertsolari eta gai-jartzailea:
Pilotaria gai-jartzen, bertsolariak punpa-lasterrean
Jon Alberdi pilotaria arituko da gai-jartzen Zumarragan (kartelean bere anaia Unai ere iragarria zen baina partida dauka). Jon duela gutxi arte elite mailan jokatutakoa da eta Azpeitiako taldearekin bost bider Herriarteko txapela jantzitakoa. Saioaren aurkezpenean aitortu zuen tarteka aritzen dela bertsotan, lagunarteko giroa berotzen denean. Gaiak prest ditu, eta asko eskertu du pilota zein bertso mundua uztartzen dituen lagun bat izan duela lan horretan botilero: Iker Iriarte, bertso txapelketetan gai-jartzen aritzen dena eta maiz Iñaki Artolaren botilero aritzen dena.
Larunbatean kantuan arituko diren lau bertsolari gipuzkoarren pilota ibilbidea azaldu du Gipuzkoako federazioak saioaren aurkezpenean:
Uxue Fernandez ondoko herrikoa, Urretxukoa da. Urtetan izan da paletako pilotari federazioan teknikari aritutakoa da. Egun pilota irakaslea da unibertsitateko Kirol fakultatean eta emakumea eta pilotaren inguruko doktore-tesia egin zuen.
Maialen Lujanbio pilotan aritzen da, aisialdian.
Asier Azpiroz pilotari federatua da eta federazioko teknikari ohia.
Jexux Mari Irazu pilotan aritutako bi gazteren gurasoa da.
Oroigarria eta eskertzak
Apirilaren 12an 17:00etan hasiko da bertso saioa, Zelai Arizti areto dotorean. Sarrera doan da eta publikoak bertso gogoangarriez gain oroigarri bana eramango du etxera, hain justu mendeurrena ospatzeko Gipuzkoako federazioak atera duena. Aurkezpenean federazioak eskerrak eman zizkion mendeurreneko ospakizunak babestu dituzten erakunde eta enpresei, eta batez ere saio hau babestu duten Zumarragako udalari eta AMPO enpresari.
Zumarragako alkate Mikel Serranok saioaren aurkezpenean nabarmendu zuen Zumarragak pilotarekin duen konpromisoa, eta horren adibide moduan azaldu zituen urteetan udalak babesten dituen pilota ekitaldiak. Aurrera begira ere kirol hau sustatzen jarraituko dutela berretsi zuen.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.