'Spotlight' filmaren atzean zegoen historia

Bernard Law hil da, Bostongo apaizen pederastia kasuak ezkutatu zituen artzapezpiku ohia

  • Bernard Law kardinal estatubatuarra Erroman hil da asteazken goizean 84 urterekin. Bostongo artzapezpikua izan zen eta eliza katolikoaren pederastia kasuak ezkutatzeaz akusatuta utzi zuen kargua. Duela bi urte film onenaren Oscar saria irabazi zuen Spotlight filmeak berriz ekarri zuen lehen lerrora eskandalua.

ARGIA @argia
2017ko abenduaren 20a
Law artzapezpikuak sexu-abusuak urtetan ezkutatu zituela frogatu zuten Bostongo kazetariek.

1961ean egin zen apaiz Law eta 1984tik 2002ra bitartean izan zen Bostongo artzapezpiku. Tarte horretan AEBetako hiriko zenbait apaizek haurren kontra egindako sexu-abusuak ezkutatu izanaren erantzule nagusitzat jo zuten Boston Globe egunkariko kazetariek 2002an, ikerketa sakona egin ondoren.

Kazetarien ikerketa argitaratu izanaren ondorioz eskandalu mediatiko handia sortu zen eta Lawk artzapezpiku kargua utzi zuen.

Boston Globe-k erakutsi zuen nola Lawk banan-banan babestu zituen haurren kontra abusatu zuten apaizak, polizia jakinaren gainean jarri gabe eta problemaren aurkako neurririk hartu gabe. Gainera, ikerketak lagundu zuen erakusten apaiz abusatzaileak babesteko metodo bera erabili zuela eliza katolikoak, ez bakarrik AEBetako beste estatu batzuetan, baita munduko beste hainbat herrialdetan ere.

Apaiz katolikoen sexu-abusuek eman dute zeresana Euskal Herrian ere: aurten bertan Juan Kruz Mendizabalen kasua ezagun egin da, lau lagunek haren eskutik jasandako gehiegikeriak argitara atera ondoren. Baina ez da kasu bakarra. Alberto Barandiaran, Miren Rubio eta Iñigo Astiz kazetariek azaroan argitaratu dute Ez duzu abusatuko liburua, zeinak biltzen dituen urtetan euskal elizako kideek haurren kontra egindako delitu sexualak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sexu Erasoak  |  AEB  |  Eliza Katolikoa  |  Kazetaritza

Sexu Erasoak kanaletik interesatuko zaizu...
2018-10-11 | ARGIA
Gazteluetako irakasle ohiarentzat hiru urteko zigor eskariari eutsi dio fiskalak

Zigor horren alternatiba gisa, 20 hilabetekoa ere proposatu du.


Epaitegian deklaratu beharko du hainbat emakumeri modu jarraian eraso egin zien Haritz Varelak

“Erasoa jasan genuen hamar emakumek Haritz Varelaren aurkako salaketa jarri dugu Donostiako epaitegian, eta auzibidea aurrera doala jakinarazi nahi dugu”. 80 emakumek astearte arratsaldean Donostiako Tabakalera ondoan prentsaurrekoa eskaini dute jakinarazteko ezker abertzaleko eta Donostiako Piratetako kide ohiaren aurkako auzia zertan den. Ez dute publiko egin noiz izango den deklarazioaren eguna, eta zailtasunak salatu badituzte ere, "bidean topatu ditugun emakumeen... [+]


2018-10-09 | ARGIA
Sexu bortizkeriaren aurkako borrokalariak, Bakearen Nobel sariaren irabazle

2018ko Bakearen Nobel sariak emakumeen kontrako sexu bortizkeria gerrako armatzat erabiltzearen kontrako borrokan nabarmendu diren bi pertsonalitate sariztatu ditu: Denis Mukwege ginekologo kongotarra eta Nadia Murad ekintzaile yezidia, Estatu Islamiarrak esklabu sexual erabilitakoa. Sariarekin Nobel sariak nabarmendu nahi izan du emakumeen bortxaketak mundu osoan XXI. mendeko gerretan erabiltzea.

,


Gazteluetako maisuarengandik sexu abusuak salatu dituen gaztea, epaiketan deklaratzen lehena

12-13 urterekin maisuarengandik sexu abusuak jasan zituela salatu zuen Leioako Gaztelueta ikastetxe erlijioso kontzertatuko ikasle ohi batek eta salaketari sinesgarritasuna eman dio instrukzio epaileak: ostegun honetan abiatuko da epaiketa. “Semeak bizitako infernua” amaitzea nahi du familiak, ikastetxeak ordea irakaslea babestu du orain arte eta mutikoaren bertsioa gezurtatzen saiatu da.


2018-09-28 | Nahia Ibarzabal
Opus Deiko Gaztelueta ikastetxean adin txikikoa abusatu zuen irakaslea babestu dute

Ikastetxeak webgune bat sortu du irakasleari babesa erakusteko eta biktima “gezurretan dabilela” jakinarazteko.


2018-09-09 | Inma Errea
Ezetzaren ertzak

Uztailak 6. Iruñeko festak hastear. Kale-hamarretakoak nonahi. Banku publikoz hornitutako kantoi batean, mutil gazte batzuk mintzo ozenean. Ezetzaz ari dira. Baten galdea: ezetza al da baietz ez esatea?

Argia da kezka: jakitea nola jokatu hastear diren festetan. Galduta, edo salduta, sexu-grina estreinatu berriaren eta portaera egokien arteko zalantzetan. Nerabe-kalakan, haien parera andre heldua, ni, iritsi arte –esku gorria paparrean, nahitaezko osagarri sanferminetako... [+]


2018-09-04 | Nahia Ibarzabal
Elkarretaratzea egingo da Donostian igandeko sexu erasoa gaitzesteko

Donostiako Udalak deitu du asteartean eguerdiko 12:00etan Alderdi Ederren egingo den kontzentraziora.


2018-09-03 | Nahia Ibarzabal
Emakumezko bat bortxatu dute Donostian

Zurriola hondartzan gertatu da erasoa igande goizaldean. Ertzaintza erasoa ikertzen ari da eta momentuz ez dago atxiloturik.


2018-08-30 | Nahia Ibarzabal
Salmondek dimititu egin du sexu-eraso salaketa batzuen ondorioz

Eskoziako lehen ministro ohiak sexu-erasoak egin izana ukatu du. Hala ere, Eskoziako Alderdi Nazionalistaren (SNP) barne-zatiketak saihesteko dimisioa aurkeztea erabaki du.


Azkenak
EGILEA
Eguneraketa berriak daude