Beren borondatearen aurka antzutu zituztela salatu dute Kanadako 60 emakume indigenak
1973az geroztik legez kanpokotzat jo izan da jendarteko kolektibo jakin batzuk antzutzera behartzea. Azaleratzen joan diren testigantzen arabera, ordea, praktikak bere horretan dirau.
Erditu bezain pronto tronpen lotura edo kauterizazioa egiteko presionatu eta beren borondatearen kontra antzutu zituztela jakinarazi dute Kanadako Saskatchewan probintziako 60 emakume baino gehiagok, Maurice Law Kanadako indigenen abokatu bulegoaren bidez jarritako salaketarekin. Gertakarien testigantza askotarikoak jaso dituzte, legez kanpoko prozedura zein modutan egin zuten argitzen dutenak. Bizipenetako batean, adibidez, antzutua izateko baimena eman arte erditu berri zuen haurra ikustea ukatu ziotela azaldu du emakumeetako batek.
1973an eman zuen bukatutzat Kanadak behartutako antzutzeen praktika, Alberta eta Columbia Britainiarra probintzietan 70eko hamarkada arte legezkoa izan zena. 2015ean ordea, StarPhoenix egunkariak eta CBC irrati telebista kateak publiko egindako erreportaje sorta batek ageriko egin zuen behartutako antzutzeek bere horretan jarraitzen zutela, lau emakumeren testigantzek (Betty Ann eta Brendarena kasu) hala adierazi baitzuten. Sortutako arrabotsa tarteko, osasun alorreko autoritateek ikerketa independente bat eskatu zuten, Manitobako Unibertsitateko medikuntza irakasle Judith Bartlettek eta giza eskubideen alorreko abokatu eta Ontarioko senatari Yvonne Boyerrek burutu zutena, biak jatorriz indigenak. 2017an aurkeztu zuten informeak argi adierazten zuen 1973az geroztik behartutako antzutzeak egin izan direla: 2005 eta 2010 urteen artean antzutzera behartu zituzten zazpi emakumeren testigantzak jaso zituzten, zeinak ikerlarien hitzetan, kolonialismoaren herentzia antzematen zaion sistemaren aurreiritzi eta diskriminazioaren biktima izan diren.
Aipatu informea publiko egitearekin bat, antzerako bizipenak zituzten emakume gehiagoren berri izaten hasi ziren Boyer eta Bartlett. Antza denez, askoz gehiago ziren iragan hurbilean antzutzera derrigortu dituzten emakume indigenak. Horren adierazle da azken salaketa hau, zeinak 2017ra artean behartutako antzutzeak egin direla frogatzen duen, ezkutuan ematen den indarkeriazko errealitate baten adierazgarri. Antzutze behartuen prozedura uste baino hedatuago egotea posible dela adierazi du Boyerrek.
Salaketa bideratzeko tramite bat falta den honetan, Amnistia Internazionalak kasua NBEra eraman du, Kanadako Gobernua ikerketa burutzera bultzatzeko. Mugimenduko kide Jackelin Hanssen argi mintzatu da: “Praktika hauek helburu jakin bati jarraiki burutzen dira. Argi dago xedea pertsona talde bat ez dela erreproduzitzen ziurtatzea dela”. Aste honetan gaiaz eztabaidatzekoak ziren Genevan, NBEren torturaren aurkako batzordean.
Bien bitartean, behartutako antzutzeen gainean neurriak hartzea exijitzen jarraitzen dute emakume indigenek, baita ardurak hartu beharra azpimarratzen ere.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Klinikako zeladore baten aurkako lehen salaketa astelehenean jarri zuen Orozkoko emakume batek, eta asteazkenean bi salaketa gehiago jarri dituzte.
Setem Hego Haizea GKEak eta Al Borde Films-ek abiatu dute plataforma. Helburua kontsumo bidezko indarkeria matxistak salatu eta alternatibak jasotzeko espazio bat sortzea da.
Aipatu kasua kasu isolatua izatetik urruti dagoela azpimarratu dute, eta Lanbidek indarkeria matxista pairatu duten emakumeekiko duen jarrera okerra salatu.
Duela bi urte Sara Majarenasen alaba Izar hiltzen saiatu zen gizona libre da otsailaren 15etik. Asteazken honetako bistan, Majarenasen eta alabaren defentsak eskatu du epaiketara arte gizona kartzelan mantentzeko, jakinik gainera erasotzaileak aitortu egin duela erasoa eta zigortu egingo dutela. Epaileak ordea ebatzi du aske segi dezakeela eta protesta-elkarretaratzea deitu du Donostian Sara Izarrekin plataformak, ostegun arratsalderako.
Baldintzapean libre da otsailaren 15etik duela bi urte Sara Majarenasen alaba Izar hiltzen saiatu zen gizona: Stytianos Messinezis. Berriak eta Naizek jakinarazi dutenez, Picassent-eko (Herrialde Katalanak) instrukzio epaitegian asteazkenean berriz bista bat izango dute erabakitzeko akusatuak libre jarraituko duen ala bere aurkako prozesua amaitu arte espetxean izango den.
Gasteizko Udalak aurrenekoz bildu ditu indarkeria matxistaren arretaren inguruko datuak. Genero indarkeriaren errealitatea bere gordintasunean erakusten dute zifrek: 2018ko urtarriletik urrira arte, guztira, 916 emakume artatu dituzte Gasteizko Udaleko zerbitzuek indarkeria matxistagatik, hain zuzen 91,6 emakume hilabetero.
Erasotzaileak Bilbon eraso egin ziola salatu du emakume batek. Ertzaintzak espedientea zabaldu dio 49 urteko poliziari, eta epaiketara arte kargutik kendu.
Languedoc (Okzitania), 1184. Inkisizioa sortu zen, kataroen heresiaren aurka egiteko. Handik Europako beste herrialde batzuetara zabaldu zen, bestelako “heretikoen” aurka ere egiteko.
Indarkeria matxista ematen den kasuetan, erasotzaileari seme-alabaren zaintza partekaturako eskubidea ukatzeko lege proposamena ostegun honetan iritsiko da Eusko Legebiltzarrera. Ondo bidean, tramiterako onartuko da proposamena. Espainiako Estatuan neurri hau ezartzen duen lehenengo erkidegoa litzateke EAE.
Iazko urtean 360 emakume artatu zituzten Argitan Emakumeentzako Aholku Etxean. Orain 23 urte proiektua martxan jarri zutenetik, 7.439 izan dira aholkularitza eske gerturatutako emakumeak.
