Baionako musika ikastaldia bertan behera geratu da, iaz sexu jazarpenak izan zirela jakin ostean

  • "Gure kontrolpetik kanpo dauden arrazoiengatik". Mezu labur hori idatzi du antolatzaileak webgunean, Kazeta.eus-ek azaldu duenez. Baionako kontserbatorioan uztailaren 14tik 22ra egin behar zen musika ikastaldia bertan behera geratu da, joan den martxoan azaleratu ostean hiru emakumek zuzendariaren eskutik sexu jazarpenak izan zituztela.


2019ko uztailaren 04an - 11:28
Baionako kontserbatorioan eman behar zituzten musika ikastaldiko saioak.

Uda partean Miarritze-Euskal Kosta musika akademiak antolatu ohi duen ikastaldirik ez da izango aurten. Iazko uztailean ikastaroko zuzendari Jean-Claude Dumasen kontra salaketa jarri zuten hiru emakumek, sexu jazarpenak izan zituztelako. 76 urteko gizonezkoak harekin oheratzeko proposamen etengabeak egin zizkien, telefono deiak eta e-postak barne.

Salatzaileek, nolanahi ere, euren salaketak aurrera egiteko izan dituzten zailtasunak nabarmendu dituzte, poliziak ez zielako deklaraziorik hartu nahi izan "igandea zelako", eta epaitegiaren erantzuna oso lausoa izan da, "sexu jazarpen salaketa" ez baitu aipatu ere egiten.

Kazeta.eus-ek azaldu duenez, ikastaldiaren webgunean behin behinekoz itxita egon da, baina orain ohar labur baten bidez azaldu dute ez dela aurten ikastaldirik izango. Saioak Baionako kontserbatorioan egiten ziren, baina hango presidente Bruno Carrerek aditzera eman zuen aurten ez zuela lekua uzteko baimena sinatuko.


Kanal honetatik interesatuko zaizu: Sexu Erasoak
Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude