Lapurdiko Mediabask kazetaren informazioaren arabera, hiru emakumek sexu jazarpenak jasan zituzten Baionako musika ikastaldi batean iragan uztailean. Salatua 76 urteko gizona da, ikastaroaren zuzendaria. Fiskalak gertatuaren gaineko ikerketa jarri du abian.
Musika ikastaroa Miarritze-Euskal Kosta Musika Akademian antolatua izaten da udaldian. Klaseak Baionako musika kontserbatorioan ematen dituzte, ikasleek eta irakasleek berriz, Baionako apaizetxean hartzen dute ostatu.
Ikastaroan izandako hiru emakumek sexu jazarpenak jasan zituztela salatu dute. Salaketa ikastaroko zuzendariaren kontra izan zen iazko uztailean. Mediabask-ek bildu dituen salaketen arabera, jazarria izan zen emakumeetako batek 76 urteko gizonak berarekin oheratzea proposatu zion.
Beste salatzaile baten lekukotasunak indartu du salaketa. Pertsona berak antzeko proposamen bat egin zion ikastaroa hasi aurretiko hilabeteetan, emakume egunero jazarria izan bide zen telefonoz eta e-postaz.
Hirugarren emakume batek salatu duenez, zuzendaria musika ikastaroan ari dela, gizon berak ahalegina egin zuen bera musukatzeko. Hiru salatzaileek, gizonak adingabeekin izan ohi zuen jokamoldea jarri dute auzitan. Haurrak besarkatzen eta laztantzen zituen emakumeen aurrean, egoera deserosoa pasaraziz.
Halaber, hiru emakumeek salaketa ezartzeko izan dituzten oztopoak “salatu” dituzte. Baionako Poliziak ez zien salaketa hartzea onartu “igandea zelako”. Prokuradoreari idazteko gomendioa eman zieten komisaldegian.
Iragan uztailean salaketa jarri ostean, zortzi hilabete eta gero, salatzaileetako batek Frantzia iparraldeko epaitegiaren mezua jaso du. Zur eta lur geratu da, sexu jazarpenaren salaketa desagertua baita.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.